OROKORRA
AZAROAK 29, ez dago Ikastolarik
Honen bitartez ostiralean, azaroaren 29an, Ikastolan saiorik egongo ez dela gogorarazi nahi dizuegu.
Gogoratu ikastolaren eskola egutegia web gunean ikusi eta deskarga dezakezuela:
ABENDUKO MENUA
Jantokiko sukaldari taldeak prestatutako abenduko menua web gunean ikusgai dago:
JUUL KANPAINA
Laudio Ikastolak irakurketa ohitura eta zaletasuna bultzatzeko aurrera eramaten duen programa bat da. Kanpaina honek Euskal Herriko ikastoletako haurren artean irakur zaletasuna sustatzea du helburu.
Adinera egkoitutako zein liburu edo ipuin aukeratuko zenuke?
EKE: GOIKOGANEREKIN MENDI TXANGOA
Goikogane Mendi Taldearekin txangoak egiteko izena eman zutenentzako oharra: Hurrengo irteera abenduaren 14an izango da, Iluntzarrera. Horretan parte hartu nahi izanez gero, abenduaren 10ean, asteartean, (14:00ak baino lehen) baiezkoa edo ezezkoa eman beharko diguzue. Horretarako eke@laudioikastola.eus helbidera mezu bat bidali, mesedez.
EUSKARAREN EGUNAK
Euskarak badu bere eguna, abenduaren 3a. Baina, euskarak gu guztiok egunero behar gaitu.
Abenduaren 3an etorri zapia eta Euskaraz bizi nahi dut kamiseta jantzita!
PALESTINAKO HAURRAK
Azaroaren 20an Haurren Nazioarteko Eguna ospatzen da. Ikastolan Palestinako haurrak gureak ere badirela aldarrikatu genuen.
LURRAREN DEFENTSAN
Lurraren defentsan jardunaldiak egongo dira Laudion, gaur hasita. Hitzaldiak, erakusketak, etab. Abenduaren 5era arte Kultura Etxean egongo den erakusketan, Ikastolako ikasleen irudiak ikusgai egongo dira.
Gerturatu zaitezte!
IPARRALDEKO IKASTOLEN ALDE
Seaska egutegiak eta Ziburuko Ikastolaren aldeko garagardoak eskuratzeko aukera.
LAUDIO TXIKI
Neguko solstizioa hurbil daukagu eta badakigu garai honetan haurrei opariak egiten dizkiegula. Baina, gure haurrentzat erakargarria den zerbait aukeratzen badakigu? Erosten dizkiegun jostailuak adinerako aproposak dira? Bere garapenean lagunduko dute? Galdera hauek askotan etortzen zaizkigu burura horregatik, hemen dituzue kontuan hartzeko ideia batzuk.
HAUR HEZKUNTZA
LEHEN HEZKUNTZA
DBH
-Derrigorrezko Bigarren Hezkuntza, 1.maila:
Proiektu komunitarioak irakasgaiaren bitartez, nagusien egoitzan izan dira. Belaunaldi arteko proiektua ezagutu nahi?
-Derrigorrezko Bigarren Hezkuntza:
*Hedatze programa: abenduko ostegunetan landuko diren gaien berri eman nahi dizuegu.
Abenduak 5 eta 19: Kultura digitaleko lantegiak. (15:30-17:00)
Errealitate birtuala: Tailer honetan ibilbide labur bezain oparoa duen errealitate birtualaren mundura hurbiltzeko aukera izango dugu. Betaurrekoak jantzi eta mundu berri batera murgilduko gara.
Gamer Gela: Modu dinamikoan bideo-jokoen kontsumoaren inguruko gogoeta egin ostean euskarazko bideo-jokoak probatzeari ekingo diogu.
Abenduak 12: Antzerkigintza tailerra izango dugu non talde kohesiorako dinamikak landuko diren. (15:30-16:30)
Tailer horietan parte hartzeko, beharrezkoa izango da dagokion tutoreari azaroaren 29a baino lehenago jakinaraztea.
Gogoratu abenduaren 16an ezta 17an ez direla Hedatze saiorik egongo
*Asteburu pasa eskiatzen (EKE): Laudio Ikastolak Aretten asteburu osoko irteera antolatu du, DBH1etik gorakoentzat, Ikastolen Elkarteko Zirimola aisialdi taldearekin elkarlanean. Eski asteburua urtarrilaren 25 eta 26rako programatu da.
BATXILERGOA
-Batxilergoa:
*Asteburu pasa eskiatzen (EKE): Laudio Ikastolak Aretten asteburu osoko irteera antolatu du, DBH1etik gorakoentzat, Ikastolen Elkarteko Zirimola aisialdi taldearekin elkarlanean. Eski asteburua urtarrilaren 25 eta 26rako programatu da.
*Orientazio azoka: Abenduaren azken bi asteetan zehar, ikasle eta gurasoei zuzendutako Orientazio asteak ospatuko ditugu Laudio Ikastolan, berton jarduera desberdinak gauzatuko dugularik.
Adierazi berri bezala, abenduaren 11n, asteazkena, 15:30etik 18:00etara, Laudio Ikastolako Orientazio Akademiko eta Profesionalaren Azoka egingo dugu.
Parte hartu nahi duten ikasle eta familiei honako formulario honen bidez izena emateko eskatzen dizuegu:
-Batxilergoa, 2.maila:
*Durangoko azoka: datorren ostegunean, abenduaren 5ean, Durangoko Azokak ikasle goiza antolatzen du eta bertara joango dira ikasleak. Irteera ordua 9:00etan izango da eta 14:45erako bueltan egongo dira.
*Honduras-Sahara: gizarte eskubideen defentsarako foro ibiltariari esker eta Laudio Udalak antolatuta, Honduras eta Saharako emakume bana egon dira Ikastola. Giza eskubideen aldeko kontzientziazioa egiteaz gain, euren herrietan emakumeen egoera zein den ezagutzeko aukera izan dute.
