Zer da JUUL Kanpaina?

Laudio Ikastolak irakurketa ohitura eta zaletasuna bultzatzeko aurrera eramaten duen programa bat da. Kanpaina honek Euskal Herriko ikastoletako haurren artean irakur zaletasuna sustatzea du helburu.

Ikastolak garrantzi berezia ematen dio irakurketari. Interes hori, ez da mugatzen haurrek irakurtzen eta idazten ikastera. Ikastolak garatzen duen irakurketa-planaren barruan, jarduera ezberdinak eramaten ditu aurrera irakurketaren zaletasuna sustatzeko eta hauek JUUL kanpainarekin amaitzen dira.

Haurrek irakurtzen dakitela edo oraindik ez dutela ikasi, familiek ere, gurekin batera, irakurketa sustatzen ahal duzue. Adibidez, gertuen dituzuen liburutegietara seme-alabak eramanez eta bertan dituzten liburuak aztertzen eta aukeratzen laguntzen, beraiekin irakurtzen.

Halaber, irakurketarako horren egokia den neguko opor garai honetan, liburua opari ezin hobea izan daitekeela kontuan hartzea gustatuko litzaiguke.
Juul kanpainaren web orrialdean “Irakurgidak” atalean aurkitzen ahal dituzue bere kalitatearengatik gomendatutako haur eta gazteentzako ipuin- zein liburu-zerrenda. Ikastolan edo udal liburutegietan aholkua eska dezakezue.

Zuen seme-alaben hezkuntzaren garapenean, jarrai dezagun elkarrekin lanean!