OROKORRA
BELDUR BARIK
Beldur Barik gazteen arteko indarkeria matxista prebenitzeko programa da. Ekimen honek hausnarketak eta eztabaidak bultzatzen ditu gazteekin, jendarte berdinzaleago baterantz elkarrekin aurrera egiteko eta sistema patriarkala eraldatzeko.
Azken asteotan, Beldur Barik ekimenaren eta Laudio Udalaren laguntzarekin, gure ikasleak 7. Beldur Barik lehiaketarako laburmetraiak sortzen aritu dira, sormena eta gogoeta uztartuz. Lehen Hezkuntzako 6.mailakoek saria jaso dute.
IKAZKINAREN JAIA eta OLENTZERO ETA MARI DOMINGIREN KALEJIRA
Gogoratu larunbat honetan Ikazkinaren jaia izango dugula Ikastolan. Horretaz gain, abenduaren 24an kalejiran parte hartu nahi dutenek gaur bete beharko dute horretarako galdetegia.
NEGUKO AZOKA eta DANTZA EMANALDIA
Abenduaren 24an neguko azoka egongo da Aldai Plazan. Bertan DBH 4.mailako ikasleek ikasbarnetegirako postua jarriko dute eta Araba Euskarazeko materiala ere eskuragarri egongo da.
Bestalde, Ikastolako dantza taldeak emanaldia eskainiko du eguerdiko 12:00etan. Jarraian, marrazki lehiaketako sari banaketa egingo da.
Oharra: dantza taldeko kideei aparteko mezu bat bidaliko zaie.
EUSKARAREN EGUNA(K)
Ikastolan Euskararen eguna ospatu genuen. Mailaz-maila ekintza asko egin zituzten; dantza, etapa arteko jolasak, Argitxoren bisita, bertsolariak... . Aurten ere, ozen adierazi dugu euskaraz bizi nahi dugula!
Argazkiak, bideoa... ikusi nahi?
DBH 4koen ZOZKETA
Ikasbarnetegia prestatzen ari diren Derrigorrezko Bigarren Hezkuntzako 4.mailako ikasleek zozketa egin zuten pasa den asteburuan, abenduaren 1ean, Arrankudiagan, Euskararen eguna baliatuta.
Saskiaren zenbaki sariduna: 164.
LAUDIO TXIKI
-2 urte: datorren ostiralean, abenduaren 20an, goizeko ordutegia (15:00ak arte) egongo da.
HAUR HEZKUNTZA
-Haur Hezkuntza: datorren ostiralean, abenduaren 20an, asteazkenetako ordutegia egongo da.
LEHEN HEZKUNTZA
-Lehen Hezkuntza: datorren ostiralean, abenduaren 20an, asteazkenetako ordutegia egongo da.
DBH
-Derrigorrezko Bigarren Hezkuntza: datorren ostiralean, abenduaren 20an, ordutegia goizeko 8:55etik 13:00era izango da eta ez da jantoki zerbitzurik egongo.
-Derrigorrezko Bigarren Hezkuntza, 4.maila:
Ostiralean, abenduaren 13an, DBH 4.mailako ikasleek irteera izango dute, Gasteiza. Ikasekiten programa honetan ekintzailetasuna lantzeko gai ezberdinetako tailer eta jokuak egingo dituzte: sormena, berrikuntza, konfidantza, ausardia... landuz. Horretaz gain BIC Araban lan egiten duten pertsona ekintzaileekin harremanetan jarriko dira ikasleak; esperientziak , egonezinak eta galderak partekatuz.Txangoa dela-eta ikasleek ordutegi berezia izango dute:
Autobusa 8:00etan hartuko da Institutu pareko geltokian eta Gasteiztik ordu 1ean itzuliko dira. Laudiora heltzen direnean ikasleen jarduna amaitutzat emango da. Ikasleek jantoki zerbitzua erabiliko ez badute jantokiari jakinarazi beharko zaio.
BATXILERGOA
*Batxilergoa: datorren ostiralean, abenduaren 20an, ordutegia goizeko 8:55etik 13:00era izango da eta ez da jantoki zerbitzurik egongo.
*Orientazio azoka: bihar arratsaldean aurreikusita zegoen Orientazio azoka bertan behera geratu da.
