IKAZKINAREN JAIA
Olentzero eta Mari Domingiri gutuna helarazteko aukera egongo da Ikastolan.
Laudio Ikastolako Kriskitin euskara taldeak Olentzeroren laguntzaileari eskutitza emateko jaia antolatu du abenduaren 14an, larunbata.
Haur Hezkuntzako jolastokian elkartuko gara danok 11:00etan, familian eta jai giroan ikazkinarekin goiz pasa egiteko.
Umeek lasaitasunez ikazkinari kontuak esan eta eskutitzak irakurtzen dituzten bitartean txokolate beroa edateko, tailerrak egiteko... aukera izango dugu.
Bazatoz?
Ekintza hau aurrera eramateko Kriskitin taldeko kideek laguntza behar dute. Laguntzeko prest zaude? Horrela bada, erantzun ondorengo galdetegia:
OLENTZERO ETA MARI DOMINGIREN KALEJIRA
Abenduaren 24an Olentzero eta Mari domingiren kalejiran parte hartuko duen Ikastolako taldea antolatzen hasi gara. Edonork parte hartu ahal izango du, ikasleek zein familiako beste edonork. Hori bai, parte hartzeko izena eman beharko da.
Haur Hezkuntzako ikasleek pertsona heldu batekin batera parte hartu beharko dute, gainerako ikasleak berriz, Lehen Hezkuntzatik aurrerakoak, bakarrik etor daitezke.
Izena emateko azken eguna abenduaren 10a izango da.
KRISEILUAK ETA SASKIAK
Kalejiran parte hartuko dugun guztiok kriseiluak (LH eta BHko ikasleek) eta saskiak (HHko ikasleek), otzarak, makilak edo bestelako apaingarriak (helduek) eramango ditugu kalejira girotzeko.
Norberak etxetik kriseilua zein saskia eraman dezake. Ikastolan bestela maileguan hartu ahal izango dira ikasleentzako kriseilu eta saskiak hurrengo egutegia baliatuta:
Abenduaren 16an, astelehena, 16:30etik 17:30era Ikastolako txokoan (lehengo atezainaren etxean) jaso.
Urtarrilaren 13an, astelehena, 16:30etik 17:30era Ikastolako txokoan itzuli.
