OROKORRA
TREBATU GURA(SO)
Laudio Ikastolak "Trebatu gura(so)" hitzaldi zikloa abiatuko du.
Guraso eskola honen bitartez gai ezberdinak jorratuko ditu ikasturtean zehar antolatutako hitzaldi ezberdinen bidez; euskara, mugak, mugimendu askea, etab.
Lehenego hitzaldia "EUSKARA, NOLA AKTIBATU ERABILERA?" izango da, Kike Amonarriz Gorriaren eskutik. Kike Euskaltzaleen Topaguneko lehendakari ohia da, baita sozioliguistikan aditua ere.
ELKARTASUN ZINEMA
Saharan proiektu kooperatiboa egingo duen ikasle taldeak elkartasun zinema antolatu du ostiralerako, azaroak 22. Laguntza (sarrera) 5€koa izango da eta bertaratutakoek mokadutxorako aukera izateaz gain, kamiseta bat eskuratzeko aukera ere izango dute.
Pelikula, zozketa, bingoa... bazatoz? Areto Nagusia zinemarako gune bilakatu eta lagunekin gozatzeko aukera paregabea!
17:00etan GO!azen (LH1etik gorakoak bakarrik etor daitezke) edota 19:30ean 20000 erle espezie ikustera animatzen?
AZAROAK 25
Astelehenean, azaroaren 25ean, Emakumeen aurkako Indarkeria Ezabatzeko Nazioarteko Egunaren harira, ekintza ekintza ezberdinak antolatu ditugu Ikastolan.
ETORRI MOREZ JANTZITA!
ELKARTASUN KUTXAK
Elkartasun Ikastolak EKEren Batzar Nagusia egin zen, ostegunean, Gasteizen, Armentia ikastolan. Gure mugimenduko 114 ikastoletako ordezkariek Elkartasun Kutxaren heldu den urteko diru laguntzak nola banatuko dituzten ebatzi zuten. Batasunaren eta kohesioaren balioa azpimarratu zuten batzarrean, bai eta elkartasuna eta lurraldetasuna ere.
2025eko EGUTEGIA
Ikastolako egutegia argitaratzera goaz. Betiko eredua erabiliko dugu eta 10€an izango dugu salgai. Urtarrileko erreziboan kobratuko da.
Banaketa oporren aurreko astean egiteko asmoa dugu. Horretarako eskaerak ( eskaeren arabera inprimatuko dira) azaroaren 27a baino lehen egin beharko dira ondorengo formularioan:
EKE: GOIKOGANEREKIN MENDI TXANGOA
Goikogane Mendi Taldearekin txangoak egiteko izena eman zutenentzako oharra: Hurrengo irteera abenduaren 1ean izango da, Mirutegira. Horretan parte hartu nahi izanez gero, azaroaren 16an, asteartean, (14:00ak baino lehen) baiezkoa edo ezezkoa eman beharko diguzue. Horretarako eke@laudioikastola.eus helbidera mezu bat bidali, mesedez.
LAUDIO TXIKI
*Laudio Txiki:
Gaurkoan Ikastolan abesten dugun beste kanta batekin gatoz. Horrela,etxean ere Laudio Txikiko zatitxo bat izango duzue...gozatu eta abestu!!!
Ikusi Ikusi han,teilatu gainean
kriston aberea, triziklo gainean
tronpa du aurrean, isatsa atzean
jajajaja nor da?
*HH 2 urtetik gora:
Aurten ere gabonetako marrazki lehiaketan parte hartzeko aukera dago.
HAUR HEZKUNTZA
*HH 2 urtetik gora:
Aurten ere gabonetako marrazki lehiaketan parte hartzeko aukera dago.
LEHEN HEZKUNTZA
*Lehen Hezkuntza:
Aurten ere gabonetako marrazki lehiaketan parte hartzeko aukera dago.
-Lehen Hezkuntza:
Etxean arropa zaharra edo erabiliko ez duzuena izanez gero Ikastolako Lehen Hezkuntzako etapara ekartzea eskertuko genizueke, zuzenean tutoreei emanez. Horrela zuen seme-alabak Ikastolan arropa busti edo zikinduz gero aldatzeko arropa izango genuke. Arropa hauen neurriak 5-6 urtetik 12 urte bitartekoak izan daitezke.
-Lehen Hezkuntza: BERTSO KOPLA
Lehen Hezkuntzako 5.mailako ikasleek, gelaka, bideo bat prestatu eta aurkeztu dute. (Laudio Ikastola 5A, 5B).
Bertso-kopla bideo lehiaketako V. edizioan azaroaren 28a arte bideorik onena aukeratzeko epea irekita izango da.
Gure ikasleek egindako bideoak bozkatzera animatzen zaituztegu!
DBH
-Derrigorrezko Bigarren Hezkuntza, 3. eta 4.maila:
Hitz kolpez: Hablar porno hablar, gazteekin batera pornografiaren kontsumoari buruz hausnartzeko proiektuan murgildu dira Derrigorrezko Bigarren Hezkuntzako 3. eta 4.mailako ikasleak.
-Derrigorrezko Bigarren Hezkuntza, 4.maila:
Ostiralean Arboledara egindako irteeraren argazkiak ikusgai daude web guneko multimedia atalean.
BATXILERGOA
-Batxilergoa, 1.maila
Ikastolen Elkarteko Aisiola Aisialdi Eskolaren bidez Ikastolan monitoretza ikastaroa egiteko aukera dago. Haur eta gazteekin aisialdian aritzeko gogoa duzu?
-Batxilergoa, 2.maila: Bucraa taldea:
Ostegunean, azaroak 21, arratsaldeko 17:00etan parte-hartzaileekin eta euren familiekin bilera egingo dugu Areto Nagusian.
