OROKORRA
GAU BELTZA
Gogoratu ostegunean arratsaldeko 18:00etatik aurrera GAU BELTZA ospatuko dugula Lamuza parkean. Eguna borobiltzeko saharan elkartasun proiektu kooperatiboa burutuko duen batxilergoko 2.mailako ikasle taldeak musika emanaldia, azoka eta afaltzeko aukera eskainiko du. Anima zaitezte!
Horretaz gain, Ikastolan ere jarduera ezberdinak burutuko ditugu. Hori dela-eta, trapu zaharrak jantzita etortzera animatzen zaituztegu.
JANTOKIA
Azaroko menua web gunean ikusgai dago:
ESKOLAZ KANPOKO EKINTZAK
Goikogane Mendi Taldearekin txangoak egiteko izena eman zutenentzako oharra: Hurrengo irteera azaroaren 10ean izango da, Gatikako Izuskiza mendira. Horretan parte hartu nahi izanez gero, azaroaren 5ean, asteartean, (14:00ak baino lehen) baiezkoa edo ezezkoa eman beharko diguzue. Horretarako eke@laudioikastola.eus helbidera mezu bat bidali, mesedez.
LAUDIO TXIKI
- 0, 1 eta 2 urte:
* Ikasturtean zehar dauden egun berezietako erabileraren aurreikuspena ezagutzeko familiei ondorengo galdetegia betetzea eskatu nahi dizuegu. Galdetegia azaroaren 8a baino lehen betetzea eskertuko genizueke.
* Gau beltza: Egunotan Gau Beltza ospatzen ari gara Ikastolan. Zuek badituzue familian ospatzeko trapu zaharrak prest? Guk, hemen, sagu zaharrak atera eta Xanduli ezagutu dugu, kalabazak eta gaztainak ahaztu gabe. Gau beltzeko abestia bidaltzen dizuegu, elkarrekin abestera animatzen zarete?
- Katuka: azaroaren 6an, arratsaldeko 17:30ean Laudio Txikiko eraikinean kurtso hasierako guraso bilera izango da.
HAUR HEZKUNTZA
-Haur Hezkuntza, 3 urte:
Garraioak lantzen egon dira, horietako bat suhiltzaileen kamioia izan da. Hori dela-eta, Mikel suhiltzailearen bisita izan dute. Eskerrik asko, Mikel!
-Haur Hezkuntza, 4 urte:
*Ikasle batzuk zorri arazoak dituztenez, ondoko arau hauek eta Osakidetzaren argibideak kontuan hartzea eskatzen dizuegu:
*Ostegunean Plentziara egindako irteeraren argazkiak multimedia atalean ikusgai daude:
-Haur Hezkuntza, 5 urte:
*Ostegunean Urduñara egindako irteeraren argazkiak multimedia atalean ikusgai daude:
LEHEN HEZKUNTZA
-Lehen Hezkuntza, 4.maila:
*Ikasle batzuk zorri arazoak dituztenez, ondoko arau hauek eta Osakidetzaren argibideak kontuan hartzea eskatzen dizuegu:
-Lehen Hezkuntza, 4., 5. eta 6.maila:
Ostegun honetan, urriak 31, Amurrioko Antzokira joango dira ikuskizun bat ikustera. Horren ondorioz, eguerdian 13:00erako helduko dira Laudioko tren geltokira. Etxekoak zuzenean etxera joango dira (salbu euren bila datozenen kasuan) eta jantokian geratzen direnak Ikastolara igoko dira irakasleekin. Kontuan izan dezazuen.
-Lehen Hezkuntza:
Lehen Hezkuntzan ekoordezkariak izendatu eta Agenda 30 martxan jarri dute.
DBH
-Bigarren Hezkuntza, 3. eta 4.maila:
Atzerrian hizkuntza ikastaroak egiteko beka deialdia argitaratu berri da.
BATXILERGOA
-Batxilergoa, 1.eta 2.maila:
Atzerrian hizkuntza ikastaroak egiteko beka deialdia argitaratu berri da.
-Batxilergoa, 1.maila:
Laudio Ikastolak, Ikastolen Elkarteko Aisiolarekin batera, monitoretza egiteko aukera eskaintzen du. Ikastaroaren inguruko informazioa ikusi eta izen-ematea (azaroaren 1etik aurrera) egiteko:
-Batxilergoa, 2.maila:
*Gurasoen bileran luzatutako informazioaren laburpena bidaltzen dizuegu.
*Bucraa taldea (Sahara): pasa den astean egindako bileran emandako informazioaren laburpena helarazten dizuegu.
Horretaz gain, beste zenbait ohar:
1) Ostegunerako, beranduenez, pasaportea ekarri behar dute. Guk eskaneatu eta egunean bertan eramango dute etxera.
2) Zuen inguruko elkarte, familia, etab.etan laguntza eskatzeko gutuna ere bidaltzen dizuegu.
3) Irudi eta ahots baimena sinatuta ekartzea eskatzen dizuegu. Epea: azaroak 4.
4) 18 urtetik beherakoek atzerrira joateko baimena sinatuta ekartzea eskatzen dizuegu. Epea: azaroak 4. Aurkezpenean informazio lagungarria dago.
