Skip to main content

Guraso euskaldunak seme-alaben hiztun-ibilbidean laguntzeko webinar saioa

Irudia
Ebete webinar

Iaz abiatutako "Familiak eragile hizkuntzen erabileran" dinamikari  segida emateko webinar saioa burutuko du Ikastolen Elkarteak datorren azaroaren 17an, asteartea, 18:00etatik 19:00etara.

EBETE Hezkuntza zerbitzuak taldeko kide den Iñaki Eizmendi Arsuaga aholkulariak zuzendutako saioa izango da, "Ulertzetik aritzera: seme-alabekin hiztun-ibilbidean bidelagun" titulupean.

Saioa euskaraz burutuko da, hain zuzen ere guraso euskaldunei zuzendutakoa izango delako.

IKASTOLAN BERTAN PARTE HARTU

On-line saioa izango da eta familiei Ikastolan berton, HIZPRO irakasle taldearekin batera, parte hartzeko aukera emango diegu. Hitzordua, Untzetapiko Aretoan (lehengo Areto Nagusia) 17:30ean, gauzatuko dugu eta saio amaieran, hurbildutakoen arteko solasaldi tarte bat ere eskainiko dugu.

Edonola ere, saioa on-line burutuko denez, Ikastolara hurbiltzerik ez dutenek ere parte hartzeko aukera izango dute meet lotura honen bidez:

ON-LINE SAIORAKO SARBIDEA

ABENDUAREN 15EAN GAZTELANIAZKO SAIOA

Euskara familia hizkuntza ez dutenentzako saioa ere burutuko da aurrerago, abenduaren 15ean. Seme-alabak ikasketekin eta euskararekin laguntzeko tresnak eskainiko ditu Iñaki Eizmendik, beraien hizkuntza errealitatera egokituta.

Honetan ere Ikastolara hurbiltzeko aukera luzatuko dugu aurrerago.

 

Azken albisteak

BIZImodu MOREa ekimena / Azaroaren 25ean morez jantzi Ikastola / Guraso bolondresen izen ematea / Seaskako egutegiak / Neguleku eskaintza / Eski asteburua / HH4-5ekoentzako oharra / Don Terentzio eta Doña Tomasa Ikastolan /…
Ohi bezala, LH4ko ikasleek English arloko lehenengo unitatean ogia izan dute jorratzeko gaia.
LH1 eta LH3ko ikasleak Kontsumobidek bideratutako tailerretan aritu dira egunotan Ikastolan.
Bilbora egindako artearen historiari buruzko txangoa esperientzia zoragarria izan zen. Egun hartan, hiriko kaleetan barrena ibili ginen, eta antzinako eraikinak eta eskulturak ikusi genituen.