OROKORRA
SAHARAN ELKARTASUN PROIEKTUA
Batxilergoko 2.mailako ikasle talde batek saharara errefuxiatuen kanpamentuetan 7 egun igaro ditu. Auzolana, elkartasuna zein kooperazioa izan dira nagusi.
Argazkiak eta bideoa ikusgai.
OLENTZERO ETA MARI DOMINGIREN KALEJIRA
Abenduaren 24an kalejiran parte hartuko dutenekin 17:45ean Nagusien Egoitza aurrean elkartuko gara.
Kriseilua edo saskia eskuan, etorri baserritarrez jantzita!
NEGUKO AZOKA eta DANTZA EMANALDIA (EKE)
Abenduaren 24an neguko azoka egongo da Aldai Plazan. Bertan DBH 4.mailako ikasleek ikasbarnetegirako postua jarriko dute eta Araba Euskarazeko materiala ere eskuragarri egongo da.
Bestalde, Ikastolako dantza taldeak emanaldia eskainiko du eguerdiko 12:30ean (dantzariak 12:00etan elkartuko dira Aldai Plazan) . Jarraian, marrazki lehiaketako sari banaketa egingo da.
IKAZKINAREN JAIA
Pasa den larunbatean, abenduaren 14an, Kriskitin Euskara Taldeak antolatuta, Ikazkinaren jaia egon zen Ikastolan.
Argazkiak ikusi nahi?
DBH 1koen ZOZKETA: OLOT
Olotera barnetegia prestatzen ari diren Derrigorrezko Bigarren Hezkuntzako 1.mailako ikasleek zozketa egin zuten atzo.
Zenbaki saridunak:
1) 981
2) 465
3) 942
AGENDA 30
Neguko oporretan ez da harritzekoa ohi baino janari gehiago sukaldatzea eta jatea. Jaiegunak, Eguberria edo bestelako ospakizunak direla eta, lagun, senide eta lankideekin otorduak egitea ohikoagoa denez, garai hau elikadura soberakinen gain-sorkuntzarako testuinguru ezin hobea da. Hori dela eta, sasoi egokia da elikagai-xahuketa murrizteko prebentzio-neurriei buruz hausnartzeko.
Hausnarketa kolektiboa egin ahal izateko, AGENDA 30 taldeko kideek galdetegi bat prestatu dute.
ARITUZ, OPORRETAN ERE EUSKARAZ
Euskarak opor garaian etenik izan ez dezan, eta euskara familietan gozamendutik, atseginetik eta ludikotasunetik sar dadin, baliabide bilduma.
Sortutako euskarria sakelekoan, tabletean edo ordenagailuan erabil daiteke.
Jarraian dagoen estekan sakatu, adin tartea aukeratu eta euskaraz gozatzen hasi!
IKASTOLAKO EGUTEGIA
Ikastolako egutegia eskatu zuten familiek bihartik aurrera jaso ahal izango dute, idazkaritzan.
LAUDIO TXIKI
-Katuka/Sehaska: datorren ostiralean, abenduaren 20an, kamiseta txuria eta zapi laukiduna ekartzera animatzen zaituztegu!
-2 urte: datorren ostiralean, abenduaren 20an, goizeko ordutegia (15:00ak arte) egongo da. Baserritarrez jantzita etorri!
HAUR HEZKUNTZA
-Haur Hezkuntza: datorren ostiralean, abenduaren 20an, asteazkenetako ordutegia egongo da. Baserritarrez jantzita etorri!
LEHEN HEZKUNTZA
-Lehen Hezkuntza:
*Datorren ostiralean, abenduaren 20an, asteazkenetako ordutegia egongo da. Baserritarrez jantzita etorri!
*Ikazkinaren bisita: atzo Ikazkina etorri zen. Argazkiak multimedia atalean ikusgai daude.
DBH
-Derrigorrezko Bigarren Hezkuntza: datorren ostiralean, abenduaren 20an, ordutegia goizeko 8:55etik 13:00era izango da eta ez da jantoki zerbitzurik egongo. Autobus zerbitzua erabiltzen dutenek 13:10ean izango dute bueltako busa. Baserritarrez jantzita etorri!
-Derrigorrezko Bigarren Hezkuntza, 1.maila:
Euskal emakumeen lorpenak: azaroan zehar, Euskal Herrian ez hain ezagunak eta ezagunak diren 12 emakumeren biografiak, formazioak, lorpenak etab. ikertzen aritu dira.
-Derrigorrezko Bigarren Hezkuntza, 3.maila:
Aiaraldeko Euskalgintza Kontseiluak antolatuta, Kirolariak ikastetxeetan programari esker, atzo Iker Larrazabal pilotariaren bisita izan zuten.
-Derrigorrezko Bigarren Hezkuntza, 4.maila:
*Pasa den ostiralean, IkasEkiten tailerrean parte hartu zuten.
*Guraso bilera: Datorren urtarrilaren 8an Ikasbarnetegiari buruzko bilera egingo da arratsaldeko 17:00etan Ikastolako Areto Nagusian. Ikasbarnetegia aurrera atera dadin, diru bilketan zein bestelako ekintzetan, gurasoen inplikazioa ezinbestekoa da, hori dela-eta bilera honetan parte hartzea oso garrantsitzua da.
BATXILERGOA
*Batxilergoa: datorren ostiralean, abenduaren 20an, ordutegia goizeko 8:55etik 13:00era izango da eta ez da jantoki zerbitzurik egongo.Autobus zerbitzua erabiltzen dutenek 13:10ean izango dute bueltako busa. Baserritarrez jantzita etorri!
