Haur Hezkuntzako 2 urteko ikasleak Barbantxoren ipuina lantzen ibili dira. Proiektu honen barruan, gelan ipuinaren lanketa egiteaz gain, familiek etxeetara eraman dute eta, argazki baten bidez, etxeetan bizitako esperientzia gelarekin partekatu dute; gure umeek mimoz eta pozez kontatu digute etxean disfrutatu dutena.
Proiektu honi bukaera emateko, hilabete hauetan Beñat praktikaduna izan dugu gurekin eta menditik ibilbide polit bat prestatuz proiektuari bukaera ezin hobea eman dio.
Umeek proiektuaren benetako bizipena izan dute, hortaz, ipuinaren muinaz jabetzeaz gain, Barbantxo eta bere lagunak gure menditik ibili dira aza eta azafraia bertan utziz. Umeen lana Barbantxok utzitakoa topatzea eta biltzea izan zen, eta azkenik, Barbantxo bera ere topatu zuten! ez hori bakarrik, topatutakoa gelara eraman zuten eta bertan esperimentazio tailerra sortu zuten, horrela, letren mundua mundu esperimentalarekin lotuz.
Zoriontzekoa benetan familiek zein Beñatek egindako lana. Eskerrik asko politak!
