2024.01.28.- Biba zuek! Ikastolan 250 kilo elkartasun baino gehiago bildu da kutxetan. 250 kilo baino gehiago saharar herrian itxaropenak piztuta jarrai dezan. Eskualdean, Amurrion eta Laudioko supermerkatuetan, 3500 kilo inguru jaso dira. Laudioko Eroskin asteburuan, urtarrilaren 26 eta 27an, egin den elkartasun bilketan batxilergoko 1.mailako ikasleek ere parte hartu dute.
Batxilergoko 1.mailako ikasle talde bat Saharar kanpamentuetara joango da kooperazio proiektu bat burutzera eta honezkero prestaketa lanetan murgilduta daude. Egunotan Laudioko Etawasol saharar elkartearekin bilera burutu izan da, elkarlanerako bideak zabaltzen jarraitzeko asmotan.
Asteburuan "Aiaraldeko SEADen lagunak" elkarteak antolatutako bilketan Etawasol elkarteak bere ekarpena egin nahi izan du, supermerkatuko orgatxoa betez.
Han edo hemen, segi dezagun saharar herria laguntzen.
Jende txiki askok, leku txiki askotan, gauza txikiak eginez mundu alda dezake - Eduardo Galeano
