ARABA EUSKARAZ JAIAK EGITARAU OPAROA PRESTATU DU EKAINAREN 14RAKO
2026ko Arabako Euskaraz jaiak egitarau oparoa eskainiko du 3 gunetan banatuta, Amurrioko parkean kokatuko da nagusia eta beste bi Refor aldeko bi txoko bereiztuetan.
16 LAGUNTZAILE BEHAR DITUGU
Laudio Ikastolari hainbat txanda betetzea egokitu zaio Arabako Ikastolon jai egunean. Oraindik laguntzaileen erdia lortu behar dugu ekainaren 14an aritzeko. Bete gabe dauden lanak trafikoan, txosnatan edari zein janaria zerbitzatzen eta kafe guneetako arratsaldeko txandatan kokatzen dira. Jaiaren biharamunean ere bi laguntzaile beharko dira goizean desmuntaketa lanetan aritzeko.
Animatu izena ematen!
OROKORRA
EUSKALTZALEON MARTXARAKO EGITARAUA ETA AIARALDETIK JOATEKO AUTOBUSA
Ekainaren 13an hitzordu garrantzitsua izango dugu euskaltzaleok Iruñean. Goizetik hasitako egitaraua izango da berton eta 17:00etan Gazteluko plazan elkartuko diren 3 zutabeak abiatuko dira euskaraz bizitzeko behar den dena aldarrikatzeko.
Aiaraldetik autobusa abiatuko da goizetik, 9:45ean Aretatik, 10:00etan Laudiotik eta 10:15ean Amurriotik. Txartelak salgai izango ditugu Ikastolako idazkaritzan ekainaren 8ra arte.
EKAINAREN 10EKO OHIKO BATZAR OROKORRERAKO TXOSTENA
Ohiko Batzar Orokorrak landuko dituen gai nagusien azalpena eskaintzen duen txostena argitaratu berri dugu.
BATZAR OROKORRERAKO METODOLOGIA ETA HAUTAGAITZA AURKEZPENA
Ohiko Batzarra 18:00etan hasiko da bigarren deialdiarekin batera. Oraingoan Artezkaritza Kontseilua eta Zaintza Batzordea berriztatuko dira. Bazkideek berton parte hartzeko haugaitza aurkeztu ahal izango dute Ikastolako idazkaritzan, ondorengo galdetegiaren bidez zein Batzarrean bertan.
Behar dutenek haurtzaindegi zerbitzua izango dute. Horretarako izena eman beharko dute ekainaren 8rako ondorengo galdetegiaren bidez.
EKAINAREN 5ETIK GOIZEKO JARDUNEAN ARITUKO GARA
Oporrak ate joka ditugu dagoeneko eta bitartean, ekainaren 5etik aurrera, goizeko jardunean arituko gara etapa guztietan, Jantokiko funtzionamendua ere asteazkenetako berbera izango delarik.
Eskolaz Kanpoko Ekintzak aste honetan amaituz joango dira esleituta duten egunaren arabera.
Idazkaritzako ordutegia uztailaren 10a bitartean 8:00etatik 15:00etara luzatuko da.
MUNDU BAT GKE-k SAHARARAKO ELKARTASUN BIDAIARI BURUZKO LABURMETRAIA AURKEZTUKO DU EKAINAREN 4AN
Laudio Ikastolako 8 ikasle aritu ziren Gobernuz Kanpoko Erakundearen proiektuan.
Laburmetraia ekainaren 4an, osteguna, 17:30ean aurkeztuko dute Herriko Plazako gela balioanitzean.
Ostiralean, hilak 5, Bilboko Bizkaia Aretoko Baroja auditorioan proiekzio bat eskainiko da 17:00etan.
LAUDIO TXIKI
UDAKO OPORRETAKO EGUN BEREZIAK
HAURTZAINDEGI EGUNEN ANTOLAKETA
Ikastolako gainerako etapek jai izango duten egunetan (neguko eta udaberriko eta udako oporretan adibidez), Laudio Txikiko haurrek Ikastolara etortzeko izango duten egutegi eta ordutegia ezagutu beharra dugu.
Horretarako, 0, 1 eta 2 urteko haurren familiei ondorengo galdetegia betetzea eskatzen dizuegu; udako oporretako haurtzaindegi egunetan, Ikastolara etorriko zareten egunak eta erabiliko duzuen ordutegia zehaztuz.
Mesedez, ekainaren 9a baino lehen erantzun:
TXANGO EGUNAREN ALDAKETA
Ikasturte amaierako txangoa, bihar, hilak 3, burutuko dugu Urduñako La Muera Parkera
HAUR HEZKUNTZA
ETAPAKO IBILALDIA GARAIO PARKERA
Ikasturte amaierako ibilaldia burutu dute 3, 4 eta 5 urteko ikasleek Garaio Parkera.
HASI PRESTATZEN UR FESTARAKO!
Ikasturte amaierako egun eguzkitzu batean UR FESTA egingo dugu Haur Hezkuntzan. Egun zehatza bezperan iragarriko dugu, bitartean, hasi prestatzen krema babesgarria etxetik emanda ekar dezaten eta baita ondengo argibideak ere: bainujantzia jantzita ekarriko dute eta poltsa batean barruko arropa, txanklak, lehorkin txikia, eguzkitako krema eta urarekin jolasteko trasteren bat (botila txikia, ontzia, ur pistola txikia…), dena izenarekin, ez ahaztu gero!
LEHEN HEZKUNTZA
DBH
BATXILERGOA
BATXILERGO 1. MAILAKO OHIKO EBALUAZIOAREN EMAITZAK
Ekainaren 8an, astelehena, Batxilergoko 1. mailako ohiko ebaluazioaren emaitzak jakinaraziko zaizkie ikasle eta familiei.
USaPe PROBAK HASI DIRA BATXILERGO 2KO IKASLEENTZAT
ZORTE ON!
