BARNE BEKAK
2025/26 ikasturterako Ikastolako barne beka programarako eskabideak aurkezteko epea zabaldu dugu maiatzaren 26ra arte. Zailtasun ekonomikoen ondorioz hileroko ordainagiriak ezin ordaindurik dabiltzan familientzako barne laguntza programa da eta Ikastolako maila guztietara zuzendua dago.
ELKARTASUN SISTEMA
Izan ere, programa honen bitartez, eta bazkide guztien ekarpenekin, kuota ezin ordaindurik aurkitzen diren familiekin elkartasun sistema bat osatu nahi da. Hortaz, banatzen den hornidura hau bazkide guztien ekarpenekin osatuko da eta eskaerak erantzukizunez bideratzea eskatzen zaie bazkide guztiei.
Laguntza hauetan parte hartu ahal izateko, ezinbestekoa da Eusko Jaurlaritzako bekaduna izatea eta beraiek jantoki zerbitzurako ezarrita duten errentaren langaren barruan sartzea. Laguntzen gehienezko zenbatekoa, aurrekontuak ahalbidetuz gero, Jaurlaritzak emandako beka eta Ikastolako kuotaren zenbatekoaren arteko diferentziaren %50ekoa da.
Egoerak hala eskatuz gero, eskaera kopuru handia bilduz gero adibidez, baremazio zehatzagoa bideratzeko aukerak aztertuko dira.
Bat-batean sortutako aparteko egoeren ondorioz egindako eskaerak aztertzeko ahalegina ere egingo da. Kasu hauetan ahalik eta argibide gehien eranstea gomendatzen da errenta maila egiaztatzeko zein bestelako egoerak aztertzeko.
