Zer da JUUL Kanpaina?
Laudio ikastolak irakurketa ohitura eta zaletasuna bultzatzeko aurrera eramaten duen programa bat da. Kanpaina honek Euskal Herriko ikastoletako haurren artean irakur zaletasuna sustatzea du helburu.
Kanpaina honen barruan, ikasturtean zehar, hainbat ekintza burutzen ditugu. Eta horietako bat, azkenetarikoa, Laudio ikastola osoak aurrera eramaten duen “Hauteskunde literarioa” ekintza da.
Hauteskunde literarioaren helburuak
1. Ikasleek gustukoen duten euskarazko liburua aukeratzea eta bozkatzea.
2. Ikasleek gustukoen duten ilustratzailea aukeratzea eta bozkatzea.
Bozketa-eguna
Hauteskunde eguna apirilean izaten da, hilabeteak duen izaera literarioa kontuan hartuz. Izan ere, apirilak 2 Nazioarteko Haur eta Gazte Literatura eguna ospatzen da eta, apirilak 23, Nazioarteko Liburu eguna da. Horren baitan, hilabete honetan, JUUL hauteskundeak burutzen dira; baina aurten, martxoaren 26ra aurreratu dugu Ikastolan.
Bozkatzeko prozedura
Bozketa ohiko eran, hots, paperezko boto-txartelen bidez, gauzatuko da; eta Ikastolako ordutegi barruan.
Baliabideak
Kanpainak web-orria du. Bertan, irakasleei, ikasleei eta gurasoei zuzendutako informazioa, zein kanpainari buruzko informazio aunitz aurkitzen ahal da. Hauxe da helbidea: www.juulkanpaina.eus.
Udaberriko oporren bueltan hausteskundeen emaitzak helarazioko dizkizuegu.
