Argitxo iratxoa dugu Ikastolan euskararen erabilpena sustatzeko laguntzaile bikaina. Ikastolakide guztiok maite dugu Argitxo eta berak bueltan euskaraz aritzeko grina era atseginean elikatzen laguntzen digu.
Gela barruan eta Ikastola eremuan lantzen dugun dinamika hau, etxeetara ere zabaldu ohi dugu. Izan ere, ikasturte honetan berritasunekin abiatuko dugu Argitxok ikasleen etxeetara egiten dituen bisitaldiak.
Helburua da Argitxoren bisitaldia etxean euskararen erabilpena sustatzeko baliatu dezazuela. Horretarako, Argitxoren panpina ikasle bakoitzaren etxera hurbilduko da bi gau igarotzera (adibidez, astelehenetik asteazkenera; asteazkenetik ostiralera...). Beraz, panpina etxez etxe ibiliko da datozen asteetan eta familiei egokitu zaizkizuen egunak errespetatzea eskatzen dizuegu eta Argitxo gelara puntual ekartzea.
Argitxoren egonaldian euskara familia eremuan ardatz izatea proposatzen dizuegu, horretarako eguneroko edozein ekintza baliatuz: otorduak, aisialdi denbora partekatua...
Familia bakoitzari ondorengo erronka gauzatzea eskatuko dizuegu bueltan: Argitxoren bisitaldiaren bideo labur bat gelara bidaltzea. Bideoan, egindako ekintzaren bat azaldu dezakezue, Argitxoren bisitaldiak etxean euskara indatzeko zertan lagundu dizuen azalduz edo.
Nolako bideoa behar da?
Telefonoarekin grabatutako bideo laburra, gehienez minutu bateko iraupena izan beharko du. Bidaltzerakoan Ikaslearen izenaz identifikatzen saiatzea eskatzen dizuegu.
Nola bidali?
Gela bakoitzak bideoak bidaltzeko karpeta bat izango du eta gelako familia bakoitzari bertora sartzeko baimena eman dizuegu.
Baimendutako guraso bakoitzak posta elektroniko batean jasoko du karpetarako lotura. Badaezpadan, hemen dituzue ere karpetatarako linkak:
Animo, primeran egingo duzue!
