OROKORRA
IRAILERA ARTE!
Irakurtzen ari zareten hau 24/25 ikasturteko azken astekaria da. Irailean bueltan gaituzue. Bitartean Ikastolako sare sozialak (instagram eta facebook) jarraitzera animatzen zaituztegu!
Ondo pasa!
Oharra: egunotan 25/26 ikasturterako argibideak jasoko dituzue.
OPORRETAN ERE, EUSKARAZ
Oporretan gaude eta asko dira euskaraz aritzeko zailtasunak izaten dituzten ikasle zein familiak. Erabilerak eta gozamenak etenik izan ez dezan, Ikastolen Elkarteko HIZPROko kideek jarraian dagoen euskarazko baliabideen bilduma prestatu dute.
GALDUTAKO ARROPA
Udaberriko oporren aurretik txukundu bagenuen ere, ikasturtea galdutako arropa askorekin bukatu dugu. Metatutako guztia idazkaritza aurrean ikusgai dago. Arropa hori irailaren 5ean kenduko dugu, iralaren 8an ikasturte berriari ekiteko.
Norbaitek zerbait faltan somatzen badu, uztailaren 10era arte eta irailaren 1etik 4ra, goizeko 8:00etatik 14:30era ikusteko aukera dauka.
EUSKARA GABE EZ GARA
Euskara erdigunean jartzeko konpromiso zehatzak hartu ditugu Aiaraldeko beste hamaika ikastetxerekin batera. Pasa den astelehenean egindako agerraldian Ikastolako zuzendariak, Jon Bengoetxea Martinezek, parte hartu zuen.
LAUDIO TXIKI
HAUR HEZKUNTZA
LEHEN HEZKUNTZA
DBH
BATXILERGOA