OROKORRA
IKASTOLAKO JAIA
Maiatzaren 24an Ikastolako jaia ospatuko dugu. Data gorde!
Ospakizun hau burutzeko ezinbestekoa da denon ekarpena. Antolaketa lanetan aritu nahi baduzu, datorren apirilaren 1ean, arratsaldeko 16:30ean egingo dugun bilerara etorri!
ARGI ITZALKETA
Eskualdeko Agenda 30 lan taldeak antolatuta, ostegunean argi itzalketa egin zen Herriko Plazan.
TREBATU GURA(SO)
Guraso eskolaren hurrengo saioa apirilaren 9an egingo dugu (baldin eta kopuru minimoa bermatzen bada), arratsaldeko 17:00etan.
Ausazko jolasak eta apustuak: Saio honen helburuak apustu egitearen ondorioetaz kontzientziatzea, jokoa eta apustuak arrakastaren ideiatik eta irabazi ekonomikoak erraz lortzetik bereizten laguntzeko baliabideak eskeintzea eta praktika horiei lotutako arriskuaren pertzepzioa areagotzea dira. Horretarako bideojolasek dirua irabazteko kasinoak eta ausazko jolasak nola sartu dituzten ikusten dugu (baita ere haur eta gazteentzat gomendatuta dauden jolasetan), kirol apustuak eta beste apustu mota batzuen inguruan hitz egiten dugu, eta ludopatia eta bere prebentzioa lantzen ditugu.
ALTXA BURUA IKASTOLA
Aste honetako edukia...
Osakidetzaren "mundu digitalean hezteko gida".
Telmo Lazkano: 16 urtetik beherakoek ezin dute harreman osasuntsurik izan mugikorrarekin, aurrez prestakuntza jaso gabe.
LAUDIO TXIKI
HAUR HEZKUNTZA
-Haur Hezkuntza: bertan da Juul kanpaina. Irakurzaletasuna sustatzeko programa da. Datozen egunotan bozketa literarioa egingo da.
-Haur Hezkuntza, 3 urte: oraingoan aldatzeko arropa ekartzeko eskaera egin nahi dizuegu, horrela, bustitzekotan arropaz aldatzeko aukera izango lukete. Ekartzen duzuen arropa izenarekin identifikatuta egotea eskertuko genuke.
LEHEN HEZKUNTZA
-Lehen Hezkuntza: bertan da Juul kanpaina. Irakurzaletasuna sustatzeko programa da. Datozen egunotan bozketa literarioa egingo da.
-Lehen Hezkuntza, 1.maila: pasa den astean Lapurreketan egon ziren, barnetegian. Argazkiak ikusi nahi?
-Lehen Hezkuntza, 3.maila: elikadura osasungarria lantzeko Eroskin tailerra burutu dute.
DBH
-Derrigorrezko Bigarren Hezkuntza, 1. eta 2.maila: bertan da Juul kanpaina. Irakurzaletasuna sustatzeko programa da. Datozen egunotan bozketa literarioa egingo da.
BATXILERGOA
-Batxilergoko 1.maila: Batxilergoko 1.mailako ikasleek ekarpen interesgarria egin dute aurtengo Etikasi proiektuan, Euskadiko Gazteriaren Kontseiluak sustatutako hezkuntza ekimenean. Proiektuaren helburu nagusia gazteek giza eskubideen gaia haien ikuspegitik jorratzea da. Horretarako, Filosofia irakasgaian, eta etikaren ikuspegitik abiatuta, ikasleek bi bideo sortu dituzte.
