Abenduaren 3aren bezperatan Haur Hezkuntzako ikasleek Argitxoren gutuna jaso zuten eta, hara non, biharamunean agerraldia egin zuen Ikastolako basoan euskararen eguna iragartzeko. Opari ederrak ekarri zizkien, kaskabiloak, bere txanoaren puntan darabilenaren berdin berdinak!, margotzeko banderinak eta… ahobizi bilakatu daitezen ezpain-margo gorria ere!
Abenduaren 3an Ahobizi eta Belarriprest panpinekin abestu eta dantzatzeko tartea izan zuten jolastokian eta DBH4ko ikasleak ere hurbildu zitzaizkien jolasak proposatzera. 5 urtekoak Laudio Txikiko haurrengana hurbildu ziren bisitan eta Izaro Fonbellida ere berton eta 2. zikloan ipuin kontalari aritu zen.
Lehen Hezkuntza
Lehen Hezkuntzan Argitxoren agerraldia txapak banatzeko, Euskararen Egunerako gela eta pasilloak apaintzeko eta “Piztu euskara” leloa zuten bonbillak Okondora eramateko prestatzeko baliatu zuten. Abenduaren 3an azkenik Argitxoren gutuna irakurri zuten eta Ahobizi eta Belarriprest panpinekin argazkiak atera zituzten mailaka. 5. mailakoek Herriko ekitaldi instituzionalean parte hartu zuten.
Bigarren Hezkuntzan berriz, Haur eta Lehen Hezkuntzako etapatarako jolasak prestatzeaz aparte, bertso saioa ere izan zuten Izar Mendiguren Cosgaya eta Unai Anda Delikaren eskutik.
Argazki galeriak
HAUR HEZKUNTZAKO ARGAZKI BILDUMA
LEHEN HEZKUNTZAKO ARGAZKI BILDUMA
