2024.01.10.- Laudio Ikastolak, beste behin ere eta aurreko urteotako esperientziari jarraituz, batxilergoko ikasleei zuzendutako orientazio akademiko eta profesionalerako azoka antolatu du. Azoka honek eta egunotan Ikastolan antolatzen ari diren hitzaldi eta bisitek, ikaslea bere ondorengo ikasketen aukeraketan laguntzen dute.
Hartu beharreko erabakia konplexua eta garrantzitsua dela kontuan hartuta, informazio desberdinak kontrastatzea ezinbestekoa da. Hori dela-eta, ondorengo ikastetxe edo ikasketen informazio pertsonalizatua eskuratzeko aukera izan dute:
• Unibertsitateak: Deustu, Mondragon, Nafarroako Unibertsitatea, Begoñako Andra Mari irakasleen Unibertsitate Eskola, Bilboko Merkataritza Ganbera, EUNEIZ.
• Lanbide Heziketa: Ikastolen Elkartea, Laudioalde, Egibide; Ikaslan eta Hetel elkarteko informazioa.
Esan bezala, azoka ez da antolatutako ekimen bakarra, bisitak eta hitzaldiak ere antolatu ditugu eta bukatzeko, Batxilergoko 2.mailako ikasleek EHUk antolatutako Orientazio azokan parte hartuko dute datorren otsailaren 10ean.
