2023.12.05- Aurten ere hamaika ekintzaz bete dugu Euskararen astea Ikastolan. Argitxoren bisita ilusio handiz jaso zuten asteartean Laudio Txiki, Haur Hezkuntza eta Lehen Hezkuntzako ikasleek eta urtero bezala, ongi etorri beroa eman zioten. Pasabideak eta gelak eskulanez eta euskararen aldeko leloz apaindu zituzten eta ostiralean, euskararekin lotutako kamiseta eta laukidun zapiak soinean, goizetik jai giro ederra izan zen Ikastolan; Ahobizi eta Belarripresten bisita, ipuin kontalaritza, DBH eta Batxilergoko ikasleek bideratutako jolasak, karaokea, LH6koek herriko ekitaldia, ...
Gainera aurten, abenduaren 3an, igandean Artziniegan ospatu den eskualdeko euskararen egunerako, Ikastolako lau etapetako ikasleek eskulan adierazgarria prestatu eta Artziniegan aurkezteko aukera izan dute. "Laudio Ikastola, euskararen hazia ereiten" izenburupean, Ikastola irudikatzen duten zuhaitzetako hostoetan euskararen aldeko leloak, irudiak, mezuak eta konpromisoak islatuz.
Bideoa ikusi nahi?
https://drive.google.com/file/d/16zisAJ0jG3rV2VWksdtxw4QRjwzsTwyY/view?usp=drive_link
“Guk hainbat hizkuntza izan ditzakegu, euskarak, aldiz, gu gaitu, ez beste inor”. Euskarak gure beharra duelako, Laudio ikastolan urteko 365 egunetan euskaraz ikasi, euskaraz hitz egin eta euskaraz bizi nahi dugu.
