Abenduaren 3an Euskararen Nazioarteko Eguna ospatuko dugu euskaltzale guztiok eta, nola ez, data horietan ekitaldi ezberdinak izango ditugu Ikastolan, Laudion eta eskualdean.
Asmo horren ikusgarritasunean eta girotzean lagungarri gertatuko delakoan, urteroko erronka luzatzen dizuegu: Kontseiluak ateratako "Euskaraz bizi nahi dut" edo "Euskaraz bizi gura dot" lelodun kamisetak erostera gonbidatzen zaituztegu, egun horretan zein bestelakoetan janzteko.
Aurtengo eskaintzan haur kirol jertse beltzak eta helduentzako kirol jertse zabalak (marroi argiak) eskaintzen dira, bai eta oihalezko poltsak, lepoko zapiak eta bokata zorroak ere.
Eskaerak ondorengo formularioan jasoko ditugu azaroaren 12ra arte.
Kamiseta guztiek 12 euroko prezioa dute, haur jertseek 25 eta nagusienek 30 .
Ikastolan kudeatuko dugun eskaeraz aparte, Euskaraz Bizi Nai Dut dinamikak material ugari eskaintzen du HERRI DENDAren bidez, berton besteak beste, Euskal Herrian Euskaraz, Pantailak euskaraz edo Gu ere bai, euskal selekzioa aldarrikatzeko ekimenaren salgaiak ere aurkitu daitezke.
