ENTSEGU OROKORRA
Ostegunean, 16:30ean entsegu orokorra egingo dugu Ikastolako sarrera nagusian.
2 eta 3 urtekoak ez dira etorri behar.
4 eta 5 urtekoek ikastolan dituzten danborrak igo beharko dituzte eta ostiralean berriro ikastolara eraman.
DANBORRADA EGUNA
Apirilaren 24an Laudioko Haur Danborrada ospatuko dugu.
18:00an Laudio Ikastola, Latiorro, eta La Milagrosa ikastetxeak Herriko plazatik kalejiran abiatuko gara San Prudentzio jaia iragartzeko. Ibilbideak Batzalarrin, Zumalakarregi, Pintor Jose Arrue, Virgen del Carmen eta Elizalde kaleak zeharkatuko ditu berriz ere Herriko plazara iritsita erretreta jotzeko.
Ekitaldia amaitutakoan, Aldai plazan danborrak eta txalekoak jasoko dira eta parte hartzaileei askaria banatuko zaie, bai sukaldariei zein danborjoleei. Ostean, Herriko plazan amaierako jaia ospatuko dugu: umeentzako gunea, diskodantza eta Saharako elkartasun bidaia egingo duten ikasleen salmenta tokia.
Eguraldi txarra eginez gero, Aldai plazan burutuko da.
2 ETA 3 URTE
Haur hezkuntzako jolastokian geratuko dira. Gurasoek umeak jaso eta askarirako eta arropaz aldatzeko denbora izango dute.
Eguerdian etxera doazen umeak 17:00rako HHn egon behar dira.
4 ETA 5 URTE
16:30ean, gurasoek umeak jaso eta ikastolako frontoira igoko dira. Bertan askaria eman eta arropaz aldatu beharko dituzte. Segidan, gurasoak ikastolako antolatzaileek esaterakoan, frontoitik aterako dira eta ikastolako eremutik kanpo egon beharko dira.
LEHEN HEZKUNTZA
Lehen hezkuntzako ikasleak 16:30ean aterako dira eta Bigarren Hezkuntzako frontoian elkartuko dira.
Famiiek kontutan izan beharko dute ikasleen arropen kargu egin behar direla, horregatik gurasoren batek nahi izatekotan aukera izango du frontoian sartzeko umeei askaria emateko eta arropaz aldatzen laguntzeko. Segidan, gurasoak ikastolako antolatzaileek esaterakoan, frontoitik aterako dira eta ikastolako eremutik kanpo egon beharko dira.
Lehen hezkuntzako ikasleek motxila ostegunean jeistea aurreikusten da. LH4koek danborradarako arropa goizean eraman ahal dute eta txangotik bueltatzerakoan ikastolan arropaz aldatu.
IKASTOLATIK JEITSIERA
17:30ean danborradako partaide guztiak Ikastolako aldapan elkartuko gara Herriko plazara jeisteko.
MATERIAL ITZULKETA
Txalekoak, danborrak eta makilak danborrada bukatu bezain laster jasoko dira Aldai plazan.
Danborrarien borlak eta maileguan utzitako arropak maiatzaren 7an jasoko ditugu16:30ean 4 eta 5 urtekoen jangelan. Utzitako arropa garbi bueltatzea eskertuko genuke eta ikaslearen izena idatzi itzultzeko dakarzuen poltsan.
