"IKASLE BAT KILO BAT" - SAHARARAKO BILKETA 

Ikastolak urteak daramatza saharar herriari modu batean edo bestean elkartasuna adierazten. Elikagai bilketak eginez, ikasleekin elkartasun bidaiak burutuz... Eta aurten, aurreko urteetan bezala, Euskal Herritik Saharara abiatzen den elkartasun karabanarako produktu bilketa baliatuz Batxilergoko 2.mailako ikasleek egindako azken bidaitik ekarritako eskaeretako batzuk erantzuteko bilketa ere egingo da.

2026an saharar errefuxiatuen kanpamentuetara bidaiatuko duen batxilergoko 1.mailako ikasle taldea arduratuko da bilketaz eta egunotan gelaz-gela  ekimenaren berri emango dute. Bilketa Ikastolako sarreran eta HHko txokoan egingo da otsailaren 5era arte.

LAUDIO IKASTOLAKO BILKETA

Abenduaren hasieran egindako bidaian, batxilergoko 2.mailako ikasleek Bucraa herriko azpiegitura ezberdinak bisitatu zituzten; nagusien eguneko zentroa (bertan egin baitzuten lan kooperatiboa), eskola, ospitala... . Bisita hauei esker bertako errealitatea eta beharrak hobeto ezagutzeko aukera izan zuten. Hori dela-eta, aurtengo bilketan Ikastolan bilketa propioa egitea erabaki da, ahal den neurrian bertan dauden beharrak asetzen laguntzen jarraitzeko. Baietz furgoneta bat bete!

Ondorengoa jasoko da Ikastolako sarreran:

-Eguneko zentroara bidaltzeko nagusientzako pardelak.

-Eskolarako  eskola materiala (margoak, errotulkiak, koadernoak, arkatzak, borragomak, boliak, erregelak...)

EUSKAL HERRIKO BILKETA

Urtero data hauetan egiten den bezala, aurten ere, Ikastola elikagai bilketarako gune izango da. Bilketa hau otsailaren 5era arte arte luzatuko da, horretarako Ikastolako sarreran eta Haur Hezkuntzako sarreran txoko bana prestatu da. Hauek dira batuko diren produktuak:

-Pasta

-Lekaleak

-Atun eta sardina kontserba latak

-Azukrea

-Arroza