OLENTZERO ETA MARI DOMINGIREN KALEJIRA
Abenduaren 24an Olentzero eta Mari domingiren kalejiran parte hartuko duen Ikastolako taldea antolatzen hasi gara. Edonork parte hartu ahal izango du, ikasleek zein familiako beste edonork. Hori bai, parte hartzeko izena eman beharko da.
Haur Hezkuntzako ikasleek pertsona heldu batekin batera parte hartu beharko dute, gainerako ikasleak berriz, Lehen Hezkuntzatik aurrerakoak, bakarrik etor daitezke.
Izena emateko epea abenduaren 22a, 16:00etan, itxiko dugu.
24an 17:45ean elkartuko gara Nagusien Egoitza aurrean.
KRISEILUAK ETA SASKIAK
Kalejiran parte hartuko dugun guztiok kriseiluak (LH eta BHko ikasleek) eta saskiak (HHko ikasleek), otzarak, makilak edo bestelako apaingarriak (helduek) eramango ditugu kalejira girotzeko.
Norberak etxetik kriseilua zein saskia eraman dezake. Ikastolan bestela maileguan hartu ahal izango dira ikasleentzako kriseilu eta saskiak hurrengo egutegia baliatuta:
Kriseilu eta saskiak hartzeko:
Abenduaren 20an, larunbata, Ikastolako ikazkinaren jaian.
Abenduaren 22an, asteartea, 4 eta 5 urtekoen jantokian, 16:00etatik 17:00etara.
Kriseilu eta saskiak itzultzeko:
Urtarrilaren 12an, astelehena, 16:30etik 17:30era 4 eta 5 urtekoen jantokian.
