Urriaren 13an DBHko ikasleei zuzendutako HEDATZE programari hasiera emango diogu. Honen barruan hurrengo ekintzak burutuko dira:
ASTELEHENETAN
Eremu soziolinguistikoari dagozkion saioak eskainiko dira, euskara, gaztelania eta ingelesa landuz.
Egun honetan ere, zalantzak argitzeko espazioak egongo dira, Zalantza guneak. Ikasleek aurrez aldetik hitzordua hartu beharko dute.
ASTEARTEETAN
Eremu zientifikoari dagozkion saioak garatuko dira, matematika, fisika edota kimikako edukiak garatuz.
Astearteetan ere Hezkidetza taldearen bilerak izango dira (Laudio Ikastolako Berdintasunezko foroa deitutako taldea).
SAIOETARAKO IZEN EMATEA
Astelehenetan zein astearteetan parte hartuko dute aurreko ikasturteko suspentsoren bat duten ikasleek zein boluntarioki egin nahi izango dutenek.
ASTEAZKENETAN
Asteazkenetan DBH 4. mailako ikasleak hasiak dira jada ikas-barnetegiaren finantzaketarako ekintzak burutzen (frontoiaren garbiketa, … ) eta antolaketarako batzordeetan biltzen.
OSTEGUNETAN
Ostegunetan beste mota bateko ekintzak burutuko dira. Hala nola: erlajazio teknikak, zineforumak, lehen sorospen saioak, euskararen erabilpena bultzatzeko ekintzak, eskulanen tailerrak eta tokiko jaien prestaketa (Olentzero, Iñauteriak,...). Ikasleei iragarriko zaizkie astearteko tutoretza orduan eta parte hartzeko izena eman beharko dute.
Hasiera emango diogun lehenengo tailerra, hain zuzen, Munduko sukaldaritzari buruzkoa izango da.
ORDUTEGIA
Astelehenetan, astearteetan eta ostegunetako saioak 15:30ean hasi eta 16:30ean bukatuko dira. Puntualki, eta aldez aurretik abisua emanda, ostegunetako Hedatze saioa 17:00ak arte luzatu ahal izango da.
Bestaldetik, asteazkenetan DBH 4. mailako ikasleen ekintzak eta bilerak 16:00 eta 18:00 artean izango dira.
Lehenengo hiruhilabetean aurreikusten da Hedatze programako saioak, asteazkenetakoa kenduta, eten egingo direla azaroak 17tik 27ra arte eta abenduak 22-23an.
