OLES OLES AMALURRA ESNA ZAITEZ
Otsailaren 4an, Agate Deunaren bezperan, kopla zaharrak abesteko ohiturari eustea erabaki dugu.
Agate Deuna kalejira burutuko dugu guztion artean otsailaren 4an 17:45etik aurrera Lamuza plazatik abiatuta.
Deialdi irekia da, haur, gazte eta helduok, familian zein lagun artean parte har dezagun, ahal dela baserritarrez jantzita. Antolaketa behar bezala garatu dezagun, egun bakoitzeko hitzorduetara aurretik izena ematea eskatzen dugu formulario honetan urtarrilaren 31a baino lehen: (15 pertsona baino gehiago beharko dira ekintza burutzeko)
IKASTOLAKO PROGRAMA
Egun hauetan Agate Deuna bezperako koplak prestatzen arituko gara Haur, Lehen eta Bigarren Hezkuntzan, eta asteartean, otsailaren 4an, Ikastola eremuan zein herriko txoko ezberdinetan hainbat agerraldi burutuko ditugu. Horrez gain, Laudio Txikin eta Haur Hezkuntzako etapan familientzako agerraldiak egingo dituzte.
