SAHARARAKO BILKETA
Ikastolak urteak daramatza saharar herriari modu batean edo bestean elkartasuna adierazten. Elikagai bilketak eginez, ikasleekin elkartasun bidaiak burutuz... . Eta aurten, aurreko urteetan bezala, Euskal Herritik Saharara abiatzen den elkartasun karabanarako produktu bilketa baliatuz Batxilergoko 2.mailako ikasleek egindako azken bidaitik ekarritako eskaeretako batzuk erantzuteko bilketa ere egingo da.
LAUDIO IKASTOLAKO BILKETA
Abenduaren hasieran egindako bidaian, batxilergoko 2.mailako ikasleek Bucraa herriko azpiegitura ezberdinak bisitatu zituzten; nagusien eguneko zentroa (bertan egin baitzuten lan kooperatiboa), eskola, ospitala... . Bisita hauei esker bertako errealitatea eta beharrak hobeto ezagutzeko aukera izan zuten. Hori dela-eta, aurtengo bilketan Ikastolan bilketa propioa egitea erabaki da, ahal den neurrian bertan dauden beharrak asetzen laguntzen jarraitzeko. Baietz furgoneta bat bete!
Ondorengoa jasoko da urtarrilaren 31ra arte Ikastolako sarreran:
-Eguneko zentroara bidaltzeko nagusientzako pardelak.
-Eskolarako marra bateko koaderno handiak (amaieran ikus daiteke nolakoa den).
Modu honetan, eta orain Lehen Hezkuntzako 6.mailakoek abiatuko duten proiektuarekin, Ikastolak saharar herriarekin elkarlanean jarraituko du.
EUSKAL HERRIKO BILKETA
Urtero data hauetan egiten den bezala, aurten ere, Ikastola elikagai bilketarako gune izango da. Bilketa hau urtarrilaren 31ra arte arte luzatuko da, horretarako Ikastolako sarreran eta Haur Hezkuntzako sarreran txoko bana prestatu da. Hauek dira batuko diren produktuak:
-Pasta
-Lekaleak
-Atun eta sardina kontserba latak
-Azukrea
-Arroza
-Konpresak.
Produktu hauek Laudioko Eroski supermekartuan ere jasoko dira urtarrilaren 24 eta 25ean.
