ZUBEROAKO IKASTOLEN ALDEKO PRODUKTU SALMENTA
BERTOKO PRODUKTUEZ OSATUTAKO OTARREAK ZUBEROAKO IKASTOLAK LAGUNTZEKO
2003 urteaz geroztik, Xiberoan kokatuak diren 2 ikastolek (Alozekoa Basaburuan 32 haurrekin, eta Eperra Pettarrean 73 haurrekilan) tokiko produktuekin osaturiko saskiak salgai jartzen dituzte gabonetarako.
Balorazioa egiteko unean, pozik agertzen dira, eta aurten, aldaketarik ez, eta hiru saski berdinekin jarraitzea erabaki dute.
Pettarra 50€: Ahate gibela, eztia, ardi gazta kiloa, bixkotx gatzatuak eta pastak
Arbaila 57€: Eztia, bixkotx artisanalak, kilo erdiko bi gazta zati, bixkotx gazituak, erreximenta, tisanak eta pastak.
Basabürüa 68€: Xerri patea, bixkotx artisanalak, ardi gazta kiloa, xahalki axoa, lukainka idorra, eta pastak.
Ekimenaren helburuak:
– Zuberoako Ikastolak laguntzea
– Zuberoako ekoizpenak ezagutaraztea eta dastaraztea
Ipar Euskal Herrian euskarak ez du babes ofizialik. Euskara hizkuntza gutxiagotua da gure lurraldean. Euskararen etxeko transmisioa Zuberoan eteten ari den heinean, Ikastolek euskararen transmisioa bermatzen dute. “Euskara susta dezagun Xiberoko Ikastolak lagunduz!”
Laudio Ikastola kanpainako banaketa puntua izango da. Hau da, erosketak on-line bideratuko ahal izango duzu azaroaren 24ra arte ikaskoli.eus web gunean eta ondoren Ikastolan bertan jaso ahal izango da abenduaren 13tik aurrera.
ARBEROAKO IKASTOLAREN ALDE
Elkartasunerako deia Arberoako Ikastola sutetik berreraiki dadin
Donamartirin kokatua den Arberoako Ikastolako hiru eraikinetako bat suntsitu zuen suak astelehen gauean, urriak 28. Ikastolako langileen,
ikasleen gurasoen zein Seaskaren ekimenez, errautsetatik ateratzen laguntzeko manera ezberdinak proposatu dituzte. Elkartasun kanpaina abiatu dute.
