Abenduaren 3an Euskararen Nazioarteko Eguna ospatuko dugu euskaltzale guztiok eta, nola ez, data horietan ekitaldi ezberdinak izango ditugu Ikastolan, Laudion eta eskualdean.
Asmo horren ikusgarritasunean eta girotzean lagungarri gertatuko delakoan, urteroko erronka luzatzen dizuegu: Kontseiluak ateratako "Euskaraz bizi nahi dut" lelodun kamisetak erostera gonbidatzen zaituztegu, egun horretan zein bestelakoetan janzteko.
Aurtengo eskaintzan kamiseta gorriak (haurrak ) eta granateak (helduak) "Etorkizuna amestuz" leloarekin, botila, bokata zorroak eta oihalezko poltsak ere badaude.
Eskaerak ondorengo formularioan jasoko ditugu azaroaren 6ra arte.
Kamiseta guztiek 12 euroko prezioa dute, botilek 8 euro eta poltsek zein bokata zorroek 6 euro. Egindako erosketaren kobrantza azaroaren 15ean jaulkiko den erreziboan azalduko da.
Ikastolan kudeatuko dugun eskaeraz aparte, Euskaraz Bizi Nai Dut dinamikak material ugari eskaintzen du HERRI DENDAren bidez, berton besteak beste, Euskal Herrian Euskaraz, Pantailak euskaraz edo Gu ere bai, euskal selekzioa aldarrikatzeko ekimenaren salgaiak ere aurkitu daitezke.
