HUSTU GANBARAK ETA ARMAIRUAK ARABA EUSKARAZEN ALDE!
Ekainaren 16n, Araba Euskaraz, Arabako Ikastolen jaia, ospatuko dugu Olarizun. Aurtengo helburua Oiongo San Bizente Ikastola laguntzea izango da, baina antolaketa lanak Arabako 8 ikastolen artean burutuko ditugu. Hortaz, Laudio Ikastolari, Amurrioko Aresketa Ikastolarekin lankidetzan, bertan izango den tonbola antolatzea egokitu zaio .
Ekintza aurrera ateratzeko, Ikastolako komunitate osoaren laguntza ezinbestekoa izango dugu eta hori dela eta, parte hartzeko deialdia luzatzen dizuegu: ekarri Ikastolara etxean erabiltzen ez duzuen baina oraindik erabilgarri diren liburu, opari, mozorro, jolas zein bestelako tresna eta tramankuluak. Tonbolarako sari zerrenda osatuko dugu beraiekin.
DENDA EDO NEGOZIO BAT DUTEN FAMILIENTZAKO ESKAERA
Denda edo negozio bat duten Ikastolako familiei ekimenean laguntzeko eta tonbolarako ekarpenak egiteko eskaera luzatzen diegu.
Horrez gain, ekimenean lagundu dezaketen bestelako kontaktuak eskaintzea ere eskertuko dugu, propaganda opariak edo bestelako ekarpenak egiteko prest egon daitezkeen norbanako eta enpresen kontaktuak alegia, edota pertsona ezagunek izenpetutako kamisetak edo bestelakoak eskuratzeko kontaktuak.
MATERIAL BILKETA
Materialen bilketa Ikastolako sarreran egingo dugu maiatzaren 17ra arte. Ekarpen guztiak poltsa itxietan ekartzea eskatzen dizuegu.
Bolumen handikoen berri emateko edo kontaktuak eskaintzeko idatzi posta elektroniko honetara: arabaeuskaraz.tonbola@ehi.
LAGUNTZAILEAK
Tonbolaren antolaketa lanetan zein Araba Euskaraz egunean berton egoteko laguntzaileak behar ditugu. Laguntzeko prest bazaude idatzi arabaeuskaraz.tonbola@ehi.
