Jantokia darabilten familiek zerbitzuaz duten asebetetze maila ezagutzeko inkestaren emaitzak aztertu berri ditu Guraso Ordezkarien Batzarrak.
Orohar erabiltzaileen %69ak erantzun du inkesta, Laudio Txikikoen %73ak, Haur Hezkuntzako 2. Ziklokoen %78ak; Lehen Hezkuntzakoen %72ak; DBHkoen %55ak eta Batxilergokoen %43ak. Honek Jantoki zerbitzuak familientzako bere biziko garrantzia duela adierazten du.
Adierazgarria da inkesta bete dutenen %32ak jantokian egindako aldaketei buruzko ezjakintasuna aitortu duela eta gutxi gorabehera zeozer dakitenak %42a direla. Ezagutza maila horretatik abiatuta, aldaketa metodologikoaren egokitasuna baloratzean, %55ak adostasun maila altua adierazi du.
Ikasleek denetarik jaten ikasteko helburuak adostasun maila altuena eskuratu du, %82koa. NAOS aholkuekiko adostasuna ere oso nabaria izan da %77koa. Beste hainbat galdegai ere, zerbitzuarekiko asebetetzea, instalazioak edo menua kasu %75eko adostasunaren bueltan kokatu dira.
Azkenik, iradokizunak helarazteko atalak oso erantzun maila altua izan du, izan ere, familien %35ak baliatu du bere ekarpenak helarazteko, Ahal den neurrian, berton jasotakoak jantokiko egunerokoa hobetzeko dinamikan txertatuko dira.
1.- Jantokian garatzen ari diren aldaketa metodologikoa...
2.- Jangelan egin den aldaketa metodologikoa egokia dela deritzot
3.- Jangelako instalazioaren egoera (lekua, garbitasuna, tamaina...) ona da.
4.- Jangelako menuekin gustura/ados nago.
5.- Eusko Jaurlaritzaren NAOS gomendioak (Haurren Obesitatea Prebenitzeko Estrategia) jarraitzea egokia ikusten dut. Hau da, barazkiak gutxienez 4 aldiz astean, okela gorri gutxi, arroza-pasta gehinez egun batean, fruta ia egunero, esneki gutxi eta arrautzak eta arraina astean behin edo bitan.
6.- Jantokian umeek DENETARIK JATEN ikasi behar dute.
7.-Gure seme alabek jantokian...
8.- Jantokiko hezitzaile eta sukaldariekin harreman ona dugu.
9.- Gustura nago jangela zerbitzuarekin.
10.- Bazkalosteko patio denborarekin gustura nago.
