Laudio Ikastolako DBHko 2. mailako ikasleek eskerrak eman nahi dizkizuegu bidelagun izan zareten guztioi. Azken hilabeteotan ilusioz eta lan handiz burutu ditugun ekintzek —saskiaren zozketa, bingoa, bigarren eskuko azoka eta txapen salmenta, besteak beste— erantzun bikaina jaso dute gure ikastolan zein herrian.
Ezin pozago gaude emaitzarekin: 1937 euro bildu ditugu guztira!
Eskerrak eman nahi dizkizuegu, bihotzez:
● Ikastolako komunitateari: familia, irakasle eta langileei, gure proiektuan sinesteagatik eta parte hartzeagatik.
● Laudioko herritarrei: zuen elkartasuna eta eskuzabaltasuna ezinbestekoak izan direlako helburu hau lortzeko.
Bildutako kopuru osoa UNRWA elkarteari emango zaio, Palestinako errefuxiatuei laguntzeko. Gainera, proiektu honen alderdirik garrantzitsuena prozesua bera izaten ari da: ikasleak, gu geu izango gara, hango egoera aztertu ondoren, diru hori zein premia zehatzetara bideratuko den erabakiko dugunak (elikadura, osasuna, hezkuntza...).
Eskerrik asko, Laudio, elkartasun hitzordura ez huts egiteagatik!
Zorionak, DBH 2. mailako talde osoari! Erakutsi duzuen borondate ona, antolatzeko gaitasuna eta auzolanean aritzeko gogoa eredugarriak izan dira. Zuen lanak erakusten du gazteok mundua aldatzeko konpromisoa duzuela.
