DBH2ko ikasleek Palestinarekiko elkartasuna adierazteko proiektua aurkeztu berri dute:
Proiektu komunitario arloan Palestinaren aldeko diru bilketa bat egiten ari gara. Horretarako, ekintza desberdinak antolatzen ari gara: bingoa, saski baten zozketa, pultsera eta txapen salmenta, bigarren eskuko azoka eta kometa eta gometxen salmenta.
Gure ekimenarekin bat egin nahi izanez gero, aurretik aipatutakoak saltzen egongo gara azaroak 3ko eta 10eko asteetan goizeko 8:45etik 9:00etara, HH zein DBHko sarreretan.
Boleto, txapa, 3 gometx sorta eta kometa bakoitzak 1€ balioko du.
Azpikaldean argibide batzuk zehazten dira:
-BINGOA: abenduaren 23an egingo da DBHko frontoian, zuen seme-alabak boletoa ekarri beharko du bingoan parte hartzeko. Saskia izango da irabazlearen saria.
-BOLETOETAKO SASKIA: Boletoen irabazleak saski bat eramango du. Sariduna abenduaren 2an argitaratuko da ikastolako web orrian.
Irabazitako diru guztia UNRWAri, Ekialde Hurbileko Palestinar Iheslariei Laguntzeko Nazio Batuen Agentziari, bidaliko diogu; agentzia honek Palestinako errefuxiatuen alde lan egiten du.
