PALESTINAKO HAURRAK OMENTZEKO ELKARTASUN EKIMEN NAZIONALA
Euskal Herriko Ikastolen Elkarteak Gure Haurrak ere Badira ekimenak hezkuntza alorrean luzatutako deialdiarekin bat egin du. Urriaren 25ean, larunbata, Bilbon, egun osoko programa osatuko da Euskal Herriko Hezkuntza Komunitateak Israel Palestinan burutzen ari den genozidioa salatzeko eta haur palestinarrei omenaldia eskaintzeko. Ekitaldi nagusia 17:30ean Jesusen Bihotzetik abiatuko den manifestazioa izango da.
OSTEGUNERO ELKARTASUN EGUNA
Datozen ostegunetan, urriak 2, 9 eta 16an, elkartasun ekimenak deitu dituzte Euskal Herriko ikastetxe guztietan. Laudio Ikastolan, enpresa komitearen ekimenez, 8:30ean elkarretaratzeak egingo dira Haur Hezkuntzako eraikinaren aurrean, Ikastolako komunitate osoari, langile, guraso eta ikasleei irekiak.
ZAPATA BILKETA
Urriaren 25ean Bilbon egingo diren ekitaldien artean, Euskal Herri osoan bildutako zapata zaharrez osatutako mosaikoa sortuko da haur palestinarren omenez.
Laudio Ikastolan zapatak biltzeko kutxak jarriko ditugu eraikin bakoitzeko sarreran urriaren 18ra arte. Urriaren 16an ere, ikastetxe bakoitzean bildutako zapatekin ekitaldi bat egiteko deialdia dago eta Ikastolan ere parte hartuko dugu.
KAMISETAK
Gure Haurrak ere Badira ekimenak kamisetak jarri ditu salgai beraien leloarekin. Ikastolan erosketa kolektiboa egiteko aukera eskainiko dugu horretarako prestatu dugun formularioaren bitartez. Eskaerak urriaren 6a baino lehen bidali beharko dira.
