ASANBLADA OROKORREKO ERABAKIAK
Pasa den asteazkenean, ekainaren 11n, Batzar Orokorra egin zen. Bertan, gai-ordenean agertu bezala ondorengo gaiak jorratu ziren:
1. Aurreko Batzarraren aktaren onarpen txostenaren irakurketa.
2. Bazkide bi izendatu Batzarraren akta onartu dezaten.
3. Artezkaritza Kontseiluaren berriztapena.
Artezkaritzan lau kide berri izendatu dira, egungo lau kidek artezkaritza utzi dutelako.
BAJA
Aaron Garmendia Sachez
Nagore Cuartango Lopez
Iñaki Barañano Goitia
Monika Zabalabarria Calzada
Eskerrik asko, laukote. Mila esker, egindako ibilbideagatik!
ALTA
-Helene Arzuaga Muguruza
-Nagore Otaola Moscoso
-Zuriñe Urquijo Miñaur
-Izaskun Larraz Aranguren
Ongi etorri! Ibilbide oparoa izan dezazuela!
4. 2024 ekitaldiaren urteko kontuen eta emaitzaren aplikazioaren aurkezpena, eta hala badagokio, onarpena
2024o kontuak aldeko 50 bozkarekin eta 6 abstentzioekin onartu ziren.
5. 2025 ekitaldirako Laudio Ikastolaren egoera ekonomikoaren azterketa eta aurrekontuen aurkezpena
Informazioa eman zen.
6. Inbertsioak
Egindako inbertsioen berri eman zen.
7. Jantokiko kuotaren berregituraketa
Jantokiko kuotaren inguruan egindako azterketa plazaratu ostean, 25/26 ikasturtean jantokiko kuota 98€koa izango dela jakinarazi zen. Kuota honek jantokiko txanda kuota bereganatu du. Aipatzea kuota hau 4 urtetik gorako ikasleei apliakatuko zaiela.
8. Loteriaren inguruko hausnarketa
Ikastolak urteak daramatza gabonetan loteria saltzen eta familien artean jokatzen. Horren inguruan dauden iritzi ezberdinak jaso eta hausnartu ostean, loteriarekin jarraitu edo ez bozkatu zen. Loteriarekin jarraitzean aldeko bozkak 10 izan ziren, kontrakoak, aldiz, 35. Abstentzioak 11 izan ziren. Hori dela-eta, aurrerantzean ez da gabonetako loteriarik egongo.
9. Eskari-galderak.
