Irudia
GALDAKAOKO OSPITALERA
Pasa den martxoaren 25ean, batxilergoko 2.mailako biologia arloko ikasleak Galdakaoko ospitaleak antolatutako Ate Irekien Jardunaldietara joan ziren.
Jardunaldian zehar, osasun arloko hainbat profesionalen lana ezagutzeko aukera izan zuten, hala nola medikuen, erizainen eta laborategiko langileen eguneroko jarduera. Ikasleek ospitaleko instalazioak bisitatu zituzten eta osasun arloko lanbide desberdinen inguruko azalpen praktikoak jaso zituzten.
Esperientzia oso aberasgarria izan zen, eta orientazio akademikorako lagungarria ere bai, ikasleek osasun arloko lanbideak gertutik ezagutzeko aukera izan baitzuten.
