TREBATU GURA(SO)
Laudio Ikastolak antolatutako "TREBATU GURA(SO)" hitzaldi zikloak aurrera darrai. Guraso eskola honen bitartez gai ezberdinak jorratzen ari gara; euskara, mugak, mugimendu askea, gainbabesa, autonomia, zibersegurtasuna, pantailak, etab.
Hurrengo hitzaldiak hauek dira:
APUSTUAK ETA ZIBERSEGURTASUNA
Apirilak 9, asteazkena > 17:00 > Areto Nagusia
Saio honen helburuak apustuaren ondorioetaz kontzientziatzea, jokoa eta apustuak arrakastaren ideiatik eta irabazi errazak lortzetik bereiztea, eta arriskuaren pertzepzioa handitzea dira. Horretarako, bideojokoetan kasinoak eta apustuak nola integratzen diren, kirol apustuak eta beste apustu mota batzuk, baita ludopatia zein prebentzioa ere aztertzen dira.
HAURTZAROA ETA PANTAILAK
Maiatzak 7, asteazkena > 17:00 > Areto Nagusia
Saio honetan 0 eta 6 urte bitarteko haurren garapenean pantailak ikusteak dituen ondorioak ikusiko ditugu. Halaber, familiek pantailekin duten harremanak interakzioen kalitatearekin eta txikienei eskaintzen dieten arretarekin nola eragiten duen ikusiko dugu, baita horrek dituen ondorioak ere. Familiek haurrekin eta pantailekin harreman osasungarria izateko irizpideak ezagutuko ditugu.
AUTONOMIA VS GAINBABESA
Maiatzak 15, osteguna > 17:30 > Areto Nagusia
Mireia Centeno psikopedagogoaren eskutik.
