IKASTOLA MOREZ JANTZITA
Aurtengo martxoaren 8a Ikastolan Hezkidetza taldeak egindako bidearen jarraipena izan da. Urteak dira geletan dinamika eta ekintza zehatzak egiten direla baina egunean bertan feminismoari eta hezkidetzari presentzia berezia eman nahi izaten zaio.
Horretarako, etapa ezberdinetan, adinari egokitutako lanketa egin da.
Haur Hezkuntza
Mari moreak izan ziren. Kantua eta dantza baliatu zituzten nagusiki. Eurek prestatutako koreografia goiko Ikastolako sarreran dantzatu zuten.
Lehen Hezkuntza
Eguna musikarekin hasi dute, baina arratsaldean lanketa sakonari ekin zioten. Maila guztietan ipuinak baliatu zituzten.
LH 1 2 3
Sorginen munduan murgildu ziren.
LH 4 5 6
Adin tarte honetan, Nesken liburu gorria eta Mutilen urrezko liburua baliatu zituzten, baita Zea Maysen "Elektrizitatea naiz" abestia ere.
Bigarren Hezkuntza
Bigarren Hezkuntzan lanketa arlo ezberdinetan txertatu badute ere, ikusgarriena ikasleek osatutako horma-irudia izan da. Emakumeen aniztasuna erdigunera eraman nahi izan dute. Bestalde, eguneroko zapalkuntza mezuei aurre egin eta ahalduntze mezuak ere zabaldu zituzten. Eguna borobiltzeko Mikel Markezen "konplize ditut denak" abestu zuten.
Segi dezagun egunero, guztion artean, begirada morean sakontzen, aukera berdintasunaren alde lanean.
Jantzi ditzagun betaurreko moreak eta kolorezta ditzagun jarrerak, pentsamenduak, jokabideak... morez!
