IRAKASKIDETZA
Euskal Herriko Ikastolen Elkartea (EHI) eta Mondragon Unibertsitateko HUHEZIren eskutik, "Irakaskidetzan sakontzen" formakuntzaren bigarren saioa izan dugu gaur Ikastolan. Laudio Ikastolako Bigarren Hezkuntzako hiru irakasle izan dira saioan parte hartzen, Arantza, Igor eta Maialen. IKasberri, Bihotz Gaztea, Laskorain eta Zangozako Ikastoletako lankideak ere egon dira.
Gaurko saioan Arantza, Igor eta Maialenek, gure ikastola irakaskidetzan murgiltzeko ematen ari diren urratsak azaldu dituzte. Horretaz gain, beste ikastolekin elkarlanean eta parte-hartze dinamika aktiboen bidez, esperientziak trukatu, hurbiletik ezagutu eta ezagutzak partekatzen aritu dira.
Mintegi honen helburua irakaskidetzaren dimentsio ezberdinak aztertuz irakaskidetzaren gogoeta zikloan murgiltzea da, autokonfrontazioa erabiliz. Baita Ikastolen arteko saretzea indartzea ere, esperientzia ezberdinetatik sortutako ezagutza partekatuz.
Etengabeko formakuntzaren aldeko apostu irmoa eginez, heziketa hobetzen.
