Irudia
Aurreko ikasturtean, 2023/2024an, 4 urteko gelan zeudela, Ugarteko dorretxeko ortuan artoa landatu zuten. Landatutako horrek bere uzta eman du eta pasa den ostiralean, urriaren 11n, biltzera joan ziren. Artoa gelara eraman eta naturak eskaintzen duenaz hizketan ari diren bitartean, artaburuak garantzen aritu dira.
Ortuak natur guneari buruzko esperientzia anitz izatea ahalbidetzen du, baita ingurunearekin dauzkagun harreman eta menpekotasunak ulertzea ere. Bide batez, ingurugiroa zaintzeko eta ingurugiroaz arduratzeko jarrerak praktikan jartzeko aukera eskaintzen du.
Lehen sektorearen garrantzia ikustarazteko ariketa bikaina!
Eskerrik asko Ugarteko dorretxean harrera egin dien familiari!
