Egungo ikasle eta lankideek parte hartu zuten ostiralean egindako agurrean. Ikasleek ikasturtea agurtu zuten egun berean, Mariasunek Ikastolako etapari agur esan zion.
Mariasun, bukatu da 1991an hasitako etapa. Hiru hamarkada luze, 33 urte, Laudioko eta eskualdeko ikasleak euskalduntzen.
Mila esker gure Ikastolaren historiaren parte izategatik, Mariasun.
Itxi berri duzun etapa bezain oparoa izan dadila aurrez-aurre daukazuna. Gozatu!
“Hau da gure agurra Mariasun
gure omenaldi xumea
azkenean heldu zaizu zuri
jubilatzeko unea
Ikastola honen zatitxo bat
betirako izango da zurea
ez da erreza izango betetzen
uzten duzun hutsunea
Guk deituko dugu 112ra
Ikastolan ez bzaude
saiatuko gara kafe ostean
puntual izaten ere
baina gauza bat bada laztana
guretzako nahiko grabe
jubilatuko zara Maiasun
gure izenak jakin gabe
Bromak alde batera utzita
aurrera jarrai dezagun
bihotz handiko pertsona zara
ta lanean beti txukun
eskerrik asko guztiagatik
pozik bizi zaitez lagun
Huar Hezkuntzako guztion partez
MAITE ZAITUGU MARIASUN!
Bideoak:
