2024.03.19.- Lehen Hezkuntzako 2., 4. eta 5.mailako ikasleak Arabako Gizarte Lanerako Elkartearen (AGLE) eskutik eta Laudio Udalari esker, bizikidetzarako egokiak diren tailerretan parte hartzen ari dira.
Lehen Hezkuntzako 2.mailako ikasleekin gatazka tailerra landuko da eta Lehen Hezkuntzako 4. eta 5.mailetan, aldiz, bullyinga landuko dute.
Tailer hauek lotura zuzena dute Ikastolan martxan dugun KiVa programarekin. KiVa eskola jazarpenaren aurkako programa da eta honen bitartez, burutzen ari diren tailerrekin bezala, ikasleek erasoei aurre egiteko mekanismoak ikasi eta bizikidetzarako jarrera egokiak praktikan jartzen dituzte.
Segi dezagun harreman positiboak eta osasungarriak sustatzen!
