LIBURU IBILTARIA

Liburu Ibiltaria izeneko egitasmoa Ikastolen jaiek (Araba Euskaraz, Kilometroak, Nafarroa Oinez, Ibilaldia, Herri Urrats) era bateratuan garatzen duten jarduera programatik abiatzen da. 2021ean, Araba Euskaraz Laudion izan zen urtean, izan zen lehendabiziko edizioa.

Aurtengo hau bostgarren edizioa eta aurreko edizioetan egin den modu berean, Ikastolen jaien antolatzaile diren Ikastolez gain beste askok ere parte hartuko dute. Laudion pasa den astean izan zen, Aresketa Ikastolatik heldu zen eta Iparraldeko Kattalin Elizalde Kolegiora pasatuko zaio.

Guztira, han eta hemen, Euskal Herri luze zabaleko 33 ikastoletako DBH 3 eta 4ko ikasleak arituko dira sormena eta elkarlana oinarri dituen ekimen honetan, eta hortaz, dozenaka egile izango ditu aurten ere liburuak kontatuko digun istorioak.

Ikasturte honetan ikasleek JAIAK gaia jorratuko dute.

Liburuari hasiera Arabako Bastida Ikastolan eman zitzaion eta amaiera Bizkaian emango zaio, 2025eko Ibilaldia jaiaren antolatzaile den Galdakaoko Eguzkibegi Ikastolan hain zuzen.

Zein izango ote da istorioaren bilakaera? amaiera?

Gu ezagutzeko irrikaz gaude!