EGUBERRIAK GUZTIONTZAT

Lehen Hezkuntzako 4.mailako ikasleek hiruhilabete bukaerako proiektua burutu dute. Proiektuaren izena “Eguberriak guztiontzat” izan da. Ekimenak, Eguberri garaian, kontsumitzen dugunaren hausnarketa egitea izan du helburu.

Proiektua hiru zatitan banatu dute. Hasieran, euskarri ezberdinak erabiliz, ikasleek kontsumismo horren jabetza hartu dute. Ondoren, proiektua gauzatzeari ekin zioten: Agenda 30ek martxan jarritako galdetegiarekin lotuta,  janaria ez xahutzeko gomendioak sortu dituzte, errezeta goxo eta merkeen bilduma egin izan dute, begano, barazkijale eta alergia ezberdinentzako menuak eskeiniz, izaki bizidunek zelan eragiten duten elikagaietan aztertu dute, jostailu birziklatuen sorkuntzak egin dituzte, jolas tradizionalen bilduma ere sortu dute, … Eta azkenik, guzti horren balorapena eta hausnarketa egin izan dute.

Prozesua borobiltzeko, proiektuaren 3 faseak bukatuta, Lehen Hezkuntzako 3.mailako ikasleekin partekatu zuten.

Beraz, primeran pasatzeaz gain, asko ikasi dute eta “Eguberriak guztiontzat” direlaren jabetza hartu dute.