Lehen Hezkuntzako 5. mailako ikasleek ekoizpen eta kontsumo arduratsua landu dute Vital Fundazioaren Ikasgela berdea programak eskainitako tailerraren bidez.
Bildutako produktuari begira, baso-fruitu jangarrien marmelada-tailerra egin dute.
Neska mutilek etxeko marmelada prestatzen parte hartu dute. Osagaiak neurtzen eta nola eraldatzen diren ulertzen irakatsi zaie. Gainera, "zero zabor" kontzeptua nabarmendu da, ahal diren fruta atal guztiak erabiliz.
Tailerraren amaieran, parte-hartzaile bakoitzak sortzen lagundu duen marmeladaren flasko txiki bat eraman du etxera, beraiek egindako etiketarekin batera.
Beraz, tailer gozoa izan dute!
ETXE BERDEAK PROGRAMA
Etxe Berdeak, eguneroko ohiturek ingurumenean, gizartean eta ekonomian duten inpaktuaz kezkatuta dauden familiei zuzendutako Vital Fundazioaren programak Arabako ikastetxeetarako berariaz diseinatutako hezkuntza proposamen bat du 2022az geroztik: Ikasgela Berdeak. Programa horrek Garapen Jasangarriko Helburuekin lotutako ingurumen hezkuntzako hainbat jarduera eskaintzen ditu, Lehen Hezkuntzako, Bigarren Hezkuntzako eta Lanbide Heziketako ikasleentzat.
Jarduera horietan guztietan lantzen diren gaiek aukera ematen diete ikastetxeei GJH nagusiak lantzeko Nazio Batuen 2030 Eskola Agendaren barruan: pobreziaren aurkako borroka, genero berdintasuna, hezkuntza, osasuna, klima aldaketa, planetaren zaintza, hazkunde ekonomiko inklusiboa, hiri eta komunitate jasangarriak, justizia.
Honako hauek dira Gela Berdeak ekimenean lantzen diren GJHak: 7. GJHa (Energia eskuragarria eta ez-kutsatzailea), 12. GJHa (Ekoizpen eta Kontsumo Arduratsua), 13. GJHa (Klima Aldaketa) eta 15. GJHa (Lurreko Ekosistemen Bizitza).
Tailerrek, bestalde, honako atal hauek dituzte: saio teoriko bat, GJHei buruzko kontzeptua azaltzeko bideo baten bidez; edukien xehetasuna jasotzen duen saio didaktiko bat, ikasgela osoaren parte hartzeaz; eta saio praktiko bat, talde dinamikakoa, hezkuntza baliabide, kit eta maketa desberdinen bidez.
