Pasar al contenido principal

LH5en topera

Irudia
LH5

BIZITZA MILA KOLORE

Lehen Hezkuntzako 5.mailako ikasleek gai berriari hasiera eman diote: Bizitza Mila Kolore. Gai honetan, materiaren inguruan arituko dira etengabe.

Gaiari sarrera emateko, gela biak elkartuta,  bideo bat ikusi zuten eta ondorengo ekintza guztiak manipulatiboak izan ziren. Talde txikitan ikerketak burutu zituzten , hauen artean: Materiak pisurik eta espaziorik al du?, Nahasteak, ... .

Bukatzeko, etxetik ekarritako materialak erabiliz, panpin polit bat egin zuten.

Ederra gai honen hasiera!

 

NEKAZARIAK IKASTOLAN

Atzo nekazariak ikastxeetan programari esker, 1.sektorea hobeto ezagutzeko aukera izan zuten. Proposamen didaktiko honen xedea da nekazaritza-sektorea geletara hurbilaraztea eta gure nekazarien lanaren zein tokiko kontsumoaren eta kontsumo arduratsuaren garrantziari buruz hausnartzea.

Jardueraren arlo nagusia da inguru naturala, soziala eta kulturala ezagutzea. Ekimen honen xede nagusia da ikasleak gure nekazariek egiten duten lan garrantzitsuaz jabetzea, eta ez soilik elikagaien ekoizpenagatik, baita osasunarekin, kulturarekin, nortasunarekin, paisaiarekin, ingurumenarekin, eta abarrekin lotuta betetzen dituzten zeregin ugariengatik ere.

HELBURU DIDAKTIKOAK:


Landa-inguruko gure kudeatzaileak geletara hurbiltzeari lotuta, ekimen honen xedea da modu atseginean transmititzea zer esan nahi duen nekazari izateak, eta, aldi berean, ingurumena eta gure izaera errespetatzeak duen garrantzia:


- Jardueraren familia-dimentsioa azaltzea; izan ere, gure nekazaritza ekoizteko modu eta familia-bizimodu batekin lotuta dago (tamaina, balioak, eguneroko lanak, familia-lankidetza...).

- Gure lehen sektorearen garrantziaz jabetzea; izan ere, elikagaien ekoizlea izateaz gain (bizitzeko beharrezko energia), askotan gizartearentzat ezezagunak diren eta gutxi balioesten dituen beste zeregin batzuen arduraduna da (kultura, ingurumena, nortasuna, paisaia, turismoa, aisialdia...).

- Gure ekoizteko moduaren ontasuna aztertzea eta baloratzea, lurrari lotuta baitago eta harekin errespetutsua baita.

- Produktuen kokapenaren eta behin-behinekotasunaren garrantzia argudiatzea eta horiek ikusaraztea, bai eta horiek identifikatzen eta balioesten jakitearen garrantzia ere.

- Kontsumo arduratsuaren garrantzia erakustea. Gure lurraldeari eta ongizateari eusteko horren garrantzitsua den tokiko nekazaritza-jarduera mantendu nahi badugu, kontsumitzaile gisa denok egin egin behar dugu eta egin dezakegu zerbait.

- Nekazaritza-jarduera beharrezko lanbide gisa ikusaraztea, bizimodu duina izateko aukera eskaintzen baitu.