2023.10-31.- Zuek nola ospatu zenuten urriaren 31a?
Ikastolan iluntasuna bizi eta beldurrak piztu zituzten Haur eta Lehen Hezkuntzako ikasleek, Ikastolako txoko ugari apainduz eta girotuz. Kantu eskean aritu ziren “xanduli manduli eman gaztainak guri” eta antzekoekin. Ohiturak berpiztu eta gure kultura ezagutarazteko kondairak, beldurrezko makillajea, kontakizunak, tailerrak… egin zituzten. Gau beltzak han eta hemen ikara zabaldu zuen.
Emozioekin jarraitzeko, arratsaldean Ikastolak herriko beste eragile batzuekin antolatutakoaz gozatzeko parada izan genuen. Lamuza parkean kalabaza hustuketa, zirien jolasak eta ipuin kontalariarekin aritu ostean, kalabazaren ibilbidea burutu genuen Herriko Plazaraino. Bertan, dantzaldiaren erritmoan txokolatea dastatzeko aukera egon zen.
Datorren urtean Gau Beltza ospatuko duzu?
