2023.11.03.- Gogoratzen nola lau eta bost urteko artistek Yayoy Kusamaren arte lana imitatu zuten?
Oraingoan Basauriko Agustin Ibarrola eskultore eta margolariaren lanetan oinarrituta Ikastolan Omako basoa sortu dute arte kooperatiboaren bitartez! Naturak eskaintzen dizkigun aukerak baliabide, eskuak eta talde-lana ezinbesteko osagai eta sormena tresna, artelan ederra emaitza.
Omako basoa da Agustin Ibarrolaren obrarik ezagunena. Omako basoa, baso sorgindua edo margotutako basoa bezala ere ezaguna da. Bertako zuhaitzek kolore eta forma ezberdinetako margoak dituzte. Ikusi nahi? Pasa den ostiralean berriz ere zabaldu zuten eta honezkero bisitatzeko aukera dago.
Natura eta koloreak. Koloreak eta natura. Naturak berak kolore ugari eskaintzen dizkigu urtaro eta eguraldiaren arabera. Goza dezagun baso(ko)loreekin!
