2023.10.17.- Pasa den asteazkenean, urriaren 11n, KiVa eguna ospatu zuten Lehen Hezkuntzako ikasleek. KiVa eguna programa honek bultzatzen dituen bizikidetzarako ohiturak birgogoratzeko baliatu zuten.
Maila eta gela bakoitzean arau horiek irakurri eta martxan jarri zituzten. Jai giroan logoak margotu, bizikidetza egoki bat izateko mezu baikorrak prestatu eta hauek Ikastolako txoko eta gune ezberdinetan jarri zituzten. Edonon elkar zaindu behar dugula presente izateko. Eta nola ez, Ikastola gune segurua dela aldarrikatzeko.
KiVa Ikastola gara! Jazarpenaren aurka!
