Zuhaitzaren eguna ospatuko da Arraño inguruan
Laudioko Zuhaitzaren eguna ospatuko da larunbatean, hilak 15ean, Tokiko Agenda 21eko sentsibilizazio, komunikazio eta parte hartze kanpaina barnean. Urteroko zuhaitz landaketa Arrañon egingo da.
Egun honek baso autoktonoen azalera handitu eta herritarrak basoek duten garrantziaz ohartaraztea du helburu.
Ekitaldia 10:00etan abiatuko da Herriko Plazatik. Natur gidari batek ibilbide gidatua eskainiko du Arrañora bidean. Herriko natur ondareari buruzko zenbait bitxikeriaren inguruko azalpenak jasoko dituzte zuhaitz landaketara hurbildutakoek.
Ekitaldi amaieran hamaiketakoa eskainiko dute parte-hartzaile guztientzako.