ORDUTEGIA: 08:00etatik 17:00etara  94 672 67 37  laudio@ikastola.eus

 

2023/24 IKASTURTERAKO ESKOLA EGUTEGIA

2023/24 IKASTURTERAKO HAURTZAINDEGI EGUTEGIA

EUSKO JAURLARITZAKO BEKA PROGRAMA

IKASLE ETA FAMILIEK ESKURA DITZAKETEN IKASTEKO LAGUNTZEN DEIALDIEN JARRAIPENA EGITEN DU IKASTOLAK, BETI ERE, BALDINTZAK BETETZEN DITUZTEN FAMILIEK AUKERARIK GAL EZ DEZATEN.

Kudeaketa publikoko laguntza programa nagusia Eusko Jaurlaritzako Hezkuntza Sailak bideratu eta kudeatzen duen Unibertsitateaz kanpoko ikasleak eskolatzeko beka eta laguntzetarako deialdia da. Deialdi honetan parte hartzeko baldintzak Eusko Jaurlaritzak berak jartzen ditu.
2016/17 ikasturteaz geroztik, beka eskaera hauek internet bidez bideratzen dira. Gure familiei tramiteak egiterakoan laguntzeko asmoz, beka eskaera bideratzeko aukera desberdinak daude:

1.- FAMILIA BAKOITZAK BERE ESKAERA WWW.HEZKUNTZA.NET WEB GUNEAN BIDERATU ETA NAN ELEKTRONIKOAREN BIDEZ SINATUTA HEZKUNTZARA BIDALTZEA.

2.- FAMILIAK ESKAERA HEZKUNTZAKO WEB GUNEAREN BIDEZ HASI ETA IKASTOLARA BERTARATZEA ESKAERA ORRIA SINATZERA.

3.- IKASTOLAN BERTAN AURREZ AURRE EGITEA ESKAERA OSOA. HORRETARAKO AURRETIKO ZITA HARTZEA ESKATZEN DA, LANA ERA ANTOLATUAN EGITEKO.

BARNE BEKAK

IKASTOLAK BERAK ERE BEKA PROPIOAK DITU.

FAMILIA UGARIENTZAKO DESKONTUAK

2002 urteko Ohiko Batzar Orokorrak familia ugarientzako kuota murrizketak onartu zituen.
Ikastolan 3. seme-alaba matrikulatzen duten familiek ikasle horren fakturako Ikastola kuotan %50eko deskontua dute.
Ikastolan 4. seme-alaba matrikulatzeak %100eko hobaria izango du kontzeptu horretan.

GURASO BAKARREKO FAMILIENTZAKO DESKONTUAK

Ikastolan 2. seme-alaba matrikulatzen duten familiek ikasle horren fakturako Ikastola kuotan %50eko deskontua dute.

 

IKASTOLAKO BARNE LAGUNTZAK

Zailtasun ekonomiko anitzengatik hilero ordainagiriei aurre egin ezinean egon daitezkeen familientzako barne laguntza programa abiatzen da urtero Laudio Ikastolan.
Programa hau elkartasun sistema bihurtuko da, guztien ekarpenekin zailtasunak dituzten familia horiek Ikastola utzi ez dezaten. Laguntza honek Eusko Jaurlaritzak emandako bekaren eta Ikastola kuoten zenbatekoen artean dagoen aldea osatuko du gehienez.

Zelan bideratzen dira iradokizun, eskaera edo kexak?

ARRETA ZUZENA

FAMILIEN LANKIDETZA EGUNEROKO HOBEKUNTZAN

Ikastolako langileok gure lana ahalik eta ondoen egiten saiatzen gara, baina, logikoa denez, zer hobetu badugu. Ikastolako zerbitzuen erabiltzaile zaretenok etengabeko hobekuntzan paper garrantzitsua jokatzen duzue, egiten dituzuen iradokizun eta kexen bitartez. Horiek jaso eta bideratzeko sistema ezarrita daukagu Ikastolan:

Lehenengo eta behin, kexa edo iradokizuna dagokion gai edo arloaren arduradunari aurkezten zaio: alderdi pedagogiko edo akademikoari lotutakoen kasuan, tutoreari; garraio, administrazio edo eskolaz kanpoko ekintzei buruzkoak, idazkaritzan; jantokiari buruzkoak jantokiko arduradunari.

Iradokizun edo kexak arduradun zuzenen eskumena gainditzen badu edo aurreko mailetan behar bezalako erantzuna jaso ez duzuela uste baduzue, kexa edo iradokizuna ikasketa buruei, Artezkaritza Kontseiluko kideei edo zuzenean gerenteari edo zuzendari pedagogikoari bidali ahal diezue.

KEXA EDO IRADOKIZUNAK HELARAZTEKO INPRIMAKIA

Edozein kexa edo iradokizun bideratzeko inprimakia idazkaritzan entregatu edo on-line bete daiteke.

Jasotako kexa eta iradokizun guztiei ahalik eta eperik laburrenean (aste bete) erantzuteko konpromisoa hartzen dugu. Batzuetan arazoak ez du berehalako soluziorik. Kasu horietan ere gaiari emango zaion trataeraz informatuko zaituztegu